Tâi-oân hong-im hû-hō
 | 這篇文章有漢字兮版本。 參考這篇文章兮漢字版本。 |
| Tâi-gí Hong-im Hû-hō | |
|---|---|
 Ēng taî-gí hong-im hû-hō siá--ê "pah-kho-choân-su" | |
| Script type | （Piau tī Hàn-jī piⁿ--á） |
| Creator | Chu Tiāu-siông、Taî-oân-séng Kok-gí Thui-hêng Úi-oân-hōe |
Time period | 1946 nî kaù-taⁿ |
| Su-siá hong-hiòng | Iù tò-pîng kàu tsìng-pîng |
| Languages | Tâi-gí、Kheh-gí |
| Related scripts | |
Parent systems |
Hàn-jī
|
| ISO 15924 | |
| ISO 15924 | Bopo, , Bopomofo |
| Unicode | |
Unicode alias | Bopomofo |
|
U+3100–U+312F U+31A0–U+31BF | |
| _BLANK_ | |
| 臺灣方音符號 | |
| Hàn-jī | 方音符號 |
|---|---|
| Pe̍h-ōe-jī | Hong-im Hû-hō |
| Tâi-lô | Hong-im Hû-hō |
| Bbánpìng | Hōngyīm Húhô |
_and_Taiwanese_romanization_system.svg)
Hong-im hû-hō (ㄏㆲ ㄧㆬ ㄏㄨˊ ㄏㄜ˫, Hàn-jī: 方音符號, Kheh-gí Pe̍h-ōe-jī: Fông-yîm Fù-ho, Taiwanese Phonetic Symbols(TPS)), Tiong-hôa Bîn-kok Kàu-io̍k-pō͘ koaⁿ-hong kā hō-chò "hong-im hû-hō hē-thońg", bîn-kan koh kā kiò-chò Taî-gí chù-im, sī chi̍t thò khe̍h laî piau-sī Tâi-gí kah Kheh-gí ê piau-im hû-hō. Chú-iàu sī í chù-im hû-hō chò ki-chhó͘, koh ke chi̍t-kóa hû-hō lâi piáu-sī hôa-gí lāi-té bô ê im.
Le̍k-sú
[siu-kái | kái goân-sí-bé]Hong-im hû-hō hē-thońg, tī it kiú sù lio̍k nî iû Tâi-oân-séng Kok-gí Thui-hêng Úi-oân-hōe hong-giân-cho͘ ê Ho̍h-ló-lan̂g Chu Tiāu-siông kàu-siū siat-kè[1], Bat-tī tâi-oân końg-pò tiān-tâi ū kàu-ha̍k chiat-bo̍k, mā tī kok-gí-ji̍t-pò liân chài, í ē-mn̂g im chò phiau-chún, m̄-koh āu-lâi in-ūi thui-hêng kok-gí ūn-ton̄g tio̍h khah chió lan̂g teh ēng--ah, Chu kàu-siū mā cháu-khì Sin-ka-pho[2][3].
Tâi-oân Tāi-ha̍k Tiong-bûn-hē thè-hiu kàu-siū Ngô͘ Siú-lé siá--ê kok-tâi tùi-chiàu oa̍h-iōng sû-tián kah hiong-thó͘ bûn-ha̍k chok-ka Iôⁿ Chheng-chhiok siá--ê tâi-hôa siang-gí sû-tián lońg chhái-ēng chù-im, 1998 nî Tiong-hôa Bîn-kok Kàu-io̍k-pō͘ mā kong-kò sú-iōng tâi-gí chù-im.[4]2006 nî 10 goe̍h 14 hō, Kàu-io̍k-pō͘ kong-pò͘ Tâi-oân Bân-lâm-gí Lô-má-jī Pheng-im Hong-àn, koaⁿ-hong choán-khì thui-hêng Lô-má-jī[5], the-chhut koaⁿ-hong sû-tián Tâi-oân Bân-lâm-gí Siông-iōng-sû Sû-tián[6], pēng-chhiáⁿ chiâⁿ-chò kàu-io̍k-kài ê chú-liû; chù-im tio̍h in-ūi khah chió lan̂g iōng, chi-oān ê jī-thé mā khah chió[7], jî-chhiáⁿ pian-bé mā bô chù-im chit-khoán siāng-hā pâi-lia̍t ê hêng-sek, bô-hoat-tō͘ tián-hiān i ê oa̍t-tho̍k iu-sè. Sú-iōng-lu̍t mā in-ūi le̍k-sú khah té, bûn-hiàn sioⁿ chió, só͘-í pí Lô-má-jī kē, m̄-koh kīn-nî í-lâi mā ta̍uh-ta̍uh-á cheng-ka, chhiōⁿ ban̄g-lō͘ Tâi-gí sû-tián Bêng-tián tio̍h ū iōng chù-im piau tī hàn-jī piⁿ-á.
Tī hong-im hû-hō siat-kè chìn-chêng, Kok-bîn Chèng-hú tio̍h in-ūi hàn-gí-cho̍k ē-kha kok-chióng hàn-gí ê chù-im su-kiû, bat chhut-pán kòe Chù-im Hû-hō Chońg-piáu. Chit-ê piáu sī gí-giân ha̍k-ka Tiō Goân-jīm tam-jīm chú-phian, í chù-im hû-hō chò ki-chhó͘ khì siu-kái, cheng-ka 40 ê hû-hō, hō-chò "jūn-im hû-hō", iōng-lâi thè kok-chióng hàn-gí chù-im. M̄-koh to-sò͘ hong-im-hû-hō lońg lēng-gōa siat-kè, kan-na chió-chió kúi-nā ê hong-im hû-hō kah jūn-im hû-hō sio-kan̂g, chhiōⁿ "
, 
, 
" chit saⁿ ê lô-im siaⁿ-bú. Hong-im hû-hō ê ūn-bú siat-kè, ki-pún-siōng lońg kah jūn-im hû-hō bô-kan̂g.
2009 nî 11 goe̍h, Liân-kang-koān chèng-hú pan-pò͘ Bân-tang-ōe chù-im hû-hō. Tâi-oân hong-im-hû-hō ê jī-hêng tī tiān-náu su-ji̍p hong-bīn, tû-liáu hiān-iú ê kok-chióng Bân-lâm-gí su-ji̍p-hoat í-gōa, bo̍k-chêng mā ū ē-sái tī chhiú-ki-á téng-koân su-ji̍p ê APP, chhiōⁿ "tâi-gí khí-pò͘".[8]
Hû-hō-pió
[siu-kái | kái goân-sí-bé]Tī Tiong-hôa Bîn-kok Kàu-io̍k-pō͘ kong-pò͘ ê Tâi-gí thong-hêng-khioⁿ lāi-té, chońg-kiōng sú-iōng 49 ê hû-hō, kî-tiong 26 ê sī tùi kok-gí chù-im hû-hō lâi--ê, lēng-gōa koh chhoǹg-chō 23 ê sin hû-hō lâi piau-sī tâi-oân ê gí-giân.
| Siaⁿ-bó (21) | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ㄅ | ㆠ | ㄆ | ㄇ | ㄉ | ㄊ | ㄋ | ㄌ | ㄍ | ㆣ | ㄎ | ㄫ | ㄏ | ㄐ | ㆢ | ㄑ | ㄒ | ㄗ | ㆡ | ㄘ | ㄙ | |||
| [p] | [b] | [pʰ] | [m] | [t] | [tʰ] | [n] | [l] | [k] | [g] | [kʰ] | [ŋ] | [h] | [t͡ɕ] | [d͡ʑ] | [t͡ɕʰ] | [ɕ] | [t͡s] | [d͡z] | [t͡sʰ] | [s] | |||
| Ūn-bó (24) | |||||||||||||||||||||||
| ㄚ | ㆩ | ㆦ | ㆧ | ㄛ | ㆤ | ㆥ | ㄞ | ㆮ | ㄠ | ㆯ | ㆰ | ㆱ | ㆬ | ㄢ | ㄣ | ㄤ | ㆲ | ㄥ | ㆭ | ㄧ | ㆪ | ㄨ | ㆫ |
| [a] | [ã] | [ɔ] | [ɔ̃] | [o] | [e] | [ẽ] | [ai] | [ãĩ] | [au] | [ãũ] | [am] | [ɔm] | [m̩] | [an] | [n] | [aŋ] | [ɔŋ] | [əŋ] | [ŋ̍] | [i] | [ĩ] | [u] | [ũ] |
- Iōng nâ-jī ê sī kok-gí bô leh sú-iōng ê hû-hō, iōng an̂g-jī ê sī hoat-im kah kok-gí bô siáⁿ kan̂g ê hû-hō.
- Tâi-gí ū sì chióng ji̍p-siaⁿ ūn-bóe, ēng sió-bé ê "ㄅ [p̚], ㄉ [t̚], ㄍ [k̚], ㄏ [ʔ]" piáu-sī.
- Tī pō͘-hūn khioⁿ-kháu lāi-té ē sú-iōng "ㄬ [ɲ], ㄜ [ə], ㄝ [ɛ], ㆨ [ɨ]" téng hû-hō chò piau-im.
Hong-im Hû-hō Hē-thońg
[siu-kái | kái goân-sí-bé]- Í-hā sūn-sū, hoān-lē í 1998 nî Kàu-io̍k-pō͘ kong-kò ê bûn-kiāⁿArchived 2018-07-22 at the Wayback Machine. chò piau-chún, piau-im í Kàu-io̍k-pō͘ Tâi-oân Bân-lâm-gí Siông-iōng Sû-tián lāi-té tē-it iu-sè khioⁿ ê hoat-im ūi-chú (nā m̄-sī tē-it iu-sè-khioⁿ ē lēng-gōa phiau-sī). Pō͘-hūn soat-bêng sī lâi-chū Ngô͘ Siú-lé kàu-siū ê kài-siāu.
Hû-hō kah Hoat-im
[siu-kái | kái goân-sí-bé]Siaⁿ-bó
[siu-kái | kái goân-sí-bé]| Chù-im | Tô͘ | IPA | POJ | Tâi-lô | Hoān-lē |
|---|---|---|---|---|---|
| ㄅ |  |
p | p | 邊（ㄅㆪ pinn）、布（ㄅㆦ˪ pòo） | |
| ㄆ |  |
pʰ | ph | 皮（ㄆㄨㆤˊ phuê）、配（ㄆㄨㆤ˪ phuè） | |
| ㄇ |  |
m | m | 棉（ㄇㄧˊ mî）、麵（ㄇㄧ˫ mī） | |
| ㆠ | |
b[lower-alpha 1] | b | 文（ㆠㄨㄣˊ bûn）、木（ㆠㄚㄍ̇ ba̍k） | |
| ㄉ |  |
t | t | 大（ㄉㄨㄚ˫ tuā）、肚（ㄉㆦ˫ tōo） | |
| ㄊ |  |
tʰ | th | 透（ㄊㄠ˪ thàu）、天（ㄊㆪ thinn） | |
| ㄋ |  |
n | n | 年（ㄋㄧˊ nî）、娘（ㄋㄧㄚˊ niâ） | |
| ㄌ |  |
l[lower-alpha 2] | l | 來（ㄌㄞˊ lâi）、禮（ㄌㆤˋ lé） | |
| ㄗ |  |
t͡s | ch | ts | 船（ㄗㄨㄣˊ tsûn）、早（ㄗㄚˋ tsá） |
| ㄐ |  |
t͡ɕ | chi | tsi | 錢（ㄐㆪˊ tsînn）、前（ㄐㄧㄥˊ tsîng） |
| ㄘ |  |
t͡sʰ | chh | tsh | 醋（ㄘㆦ˪ tshòo）、草（ㄘㄠˋ tsháu） |
| ㄑ |  |
t͡ɕʰ | chhi | tshi | 千（ㄑㄧㄥ tshing）、七（ㄑㄧㄉ tshit） |
| ㄙ |  |
s | s | 蘇（ㄙㆦ soo）、洗（ㄙㆤˋ sé） | |
| ㄒ |  |
ɕ | si | 消（ㄒㄧㄠ siau）、先（ㄒㄧㄥ sing） | |
| ㆡ |  |
d͡z / z[lower-alpha 3] | j | 熱（ㆡㄨㄚㄏ̇ jua̍h）、軟（ㆡㄨㄢˋ juán, bûn-im）[lower-alpha 4] | |
| ㆢ |  |
d͡ʑ / ʑ[lower-alpha 3] | ji | 日（ㆢㄧㄉ̇ ji̍t）、二 (ㆢㄧ˫ jī) | |
| ㄍ |  |
k | k | 歌（ㄍㄨㄚ kua）、光（ㄍㆭ kng） | |
| ㄎ |  |
kʰ | kh | 苦（ㄎㆦˋ khóo）、考（ㄎㄜˋ khó） | |
| ㄫ |  |
ŋ | ng | 吳（ㄫㆦˊ ngôo）、硬（ㄫㆤ˫ ngē） | |
| ㆣ |  |
g[lower-alpha 5] | g | 義（ㆣㄧ˫ gī）、鵝（ㆣㄜˊ gô） | |
| ㄏ |  |
h | h | 喜（ㄏㄧˋ hí）、花（ㄏㄨㆤ hue） | |
Kài-bú kah Ūn-bú
[siu-kái | kái goân-sí-bé]- Chhim-sek pōe-kéng piáu-sī sī te̍k-pia̍t khioⁿ-kháu leh iōng--ê, iu-sè-khioⁿ bô leh iōng.
| Chù-im | Tô͘ | IPA | POJ | Tâi-lô | Soat-bêng | Hoān-lē |
|---|---|---|---|---|---|---|
| ㄚ |  |
a | a | "ㄧㄚㄉ" tû-liáu [iat̚] í-gōa, mā ū lan̂g kā liām-chò [iɛt̚] iah-sī [ɛt̚]. [12] | 阿（ㄚ a）、設（ㄒㄧㄚㄉ siat） | |
| ㆤ |  |
e | e | 啞（ㆤˋ é）、矮（ㆤˋ é） | ||
| ㄧ |  |
i | i | "ㄧㄍ" ū bô-kan̂g ê liām-hoat, pau-koat[iɪk̚], [iək̚]. | 椅（ㄧˋ í）、色（ㄒㄧㄍ sik） | |
| ㆦ |  |
ɔ | o͘ | oo | 苦（ㄎㆦˋ khóo）、福（ㄏㆦㄍ hok） | |
| ㄛ |  |
o | o | In-ūi tē-it iu-sè-khioⁿ (hūn-pò͘ tī lâm-pō͘) kā chit im liām-chò [ə](Tâi-lô: or), āu--lâi tio̍h ta̍uh-ta̍uh-á kái-chò iōng ㄜ lâi piáu-sī [ə], ㄛ tio̍h choan-bûn iōng tī kā i liām-chò [o] ê khioⁿ-kháu. |
好（ㄏㄛˋ hó）、寶（ㄅㄛˋ pó） | |
| ㄨ |  |
u | o[lower-alpha 6] / u | u | 武（ㆠㄨˋ bú）、熨（ㄨㄉ ut） | |
| ㄝ |  |
ɛ | ee | Pō͘-hūn khah-óa Chiang-khioⁿ ê khioⁿ-kháu iáu-ū [ɛ] chit im, bô ha̍p-pèng--ji̍p-khì ㆤ lāi-té. | 家（ㄍㄝ kee, Lāi-po͘-khioⁿ）、錫（ㄙㄝㄍ sek, Lāi-po͘-khioⁿ） | |
| ㄜ |  |
ə | er | Pō͘-hūn khah óa Choân-khioⁿ ê khioⁿ-kháu [ə] bô ha̍p-pèng--ji̍p-khì ㆤ lāi-té, ēng ㄜ piáu-sī.[1] | 火（ㄏㄜˋ hér, Hái-kháu-khioⁿ）、雞（ㄍㄜㆤ kere, Hái-kháu-khioⁿ） | |
| o | o / or | Tē-it iu-sè-khioⁿ (hūn-pò͘ tī lâm-pō͘) kā /o/ liām-chò [ə] (nā beh khu-hun ê sî-chūn ē kā siá-chò or), āu--lâi ta̍uh-ta̍uh-á tio̍h kái chò-iōng ㄜ lâi piáu-sī。 | 好（ㄏㄜˋ hó）、寶（ㄅㄜˋ pó） | |||
| ㆨ |  |
ɨ | ir | Pō͘-hūn khah-óa Choân-khioⁿ ê khioⁿ-kháu ū Choân-chiu te̍k-iú ê [ɨ], bô ha̍p-pèng--ji̍p-khì /i/ he̍k-chiá /u/, tio̍h ēng ㆨ piáu-sī. | 豬（ㄉㆨ tir, Hái-kháu-khioⁿ）、銀（ㆣㆨㄣˊ gîrn, Hái-kháu-khioⁿ） | |
| ㄞ |  |
ai | ai | 愛（ㄞ˪ ài）、乖（ㄍㄨㄞ kuai） | ||
| ㄠ |  |
au | au | 歐（ㄠ au）、跳（ㄊㄧㄠ˪ thiàu） | ||
| ㆩ |  |
ã | aⁿ | ann | 衫（ㄙㆩ sann）、山（ㄙㄨㆩ suann）[lower-alpha 7] | |
| ㆥ |  |
ẽ | eⁿ | enn | 嬰（ㆥ enn）、病（ㄅㆥ˫ pēnn） | |
| ㆪ |  |
ĩ | iⁿ | inn | 天（ㄊㆪ thinn）、院（ㆪ˫ īnn） | |
| ㆧ |  |
ɔ̃ | oⁿ | onn | 。 | 好（ㄏㆧ˪ hònn, bûn-im）、否（ㄏㆧˋ hónn）[lower-alpha 8] |
| ㆫ |  |
ũ | uⁿ | unn | Kan-na iōng tīㄧㆫ /ĩũ/. | 鴦（ㄧㆫ iunn）、張（ㄉㄧㆫ tiunn） |
| ㆬ |  |
m̩ | m | 姆（ㆬˋ ḿ）、音（ㄧㆬ im） | ||
| ㆭ |  |
ŋ̍ | ng | 黃（ㆭˊ n̂g）、秧（ㆭ ng） | ||
| ㆮ |  |
ãĩ | aiⁿ | ainn | 閒（ㆮˊ âinn, Tan̂g-oaⁿ-khioⁿ）[lower-alpha 9]、歹（ㄆㆮˋ pháinn） | |
| ㆯ |  |
ãũ | auⁿ | aunn | Hán-tit ēng | 喓（ㄧㆯ iaunn）[lower-alpha 10] |
| ㆰ |  |
am | am | 暗（ㆰ˪ àm）、甘（ㄍㆰ kam） | ||
| ㄢ |  |
an | an | 「ㄧㄢ」除了[ian]以外，嘛有[iɛn]或者[ɛn]兮唸法。[12] | 限（ㄢ˫ ān）、煙（ㄧㄢ ian） | |
| ㄤ |  |
aŋ | ang | 港（ㄍㄤˋ káng）、項（ㄏㄤ˫ hāng） | ||
| ㆱ |  |
ɔm | om | Hán-tit ēng | 參（ㄙㆱ som, Lāi-po͘-khioⁿ）、掩（ㆱ om） | |
| ㆲ |  |
ɔŋ | ong | 王（ㆲˊ ông）、勇（ㄧㆲˋ ióng） | ||
| ㄣ |  |
n | -n | Kan-na iōng tī ㄧㄣ, ㄨㄣ kah ㆨㄣ. | 因（ㄧㄣ in）、溫（ㄨㄣ un）、恩（ㆨㄣ irn, Hái-kháu-khioⁿ） | |
| ㄥ |  |
əŋ | -ng | Kan-na iōng tī ㄧㄥ [iəŋ]。 | 永（ㄧㄥˋ íng）、兵（ㄅㄧㄥ ping） | |
Cho͘-ha̍p ūn-bú
[siu-kái | kái goân-sí-bé]| Kài-im | Bô ji̍p-siaⁿ ūn-bóe | Ji̍p-siaⁿ | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bô | Iōng tan-it hû-hō piáu-sī | ㄚ ㆴ |
ㄚ ㆵ |
ㄚ ㆻ |
ㄚ ㆷ |
ㆩ ㆷ |
ㆦ ㆴ |
ㆦ ㆵ |
ㆧ ㆷ |
ㄛ ㆷ |
ㄜ ㆷ |
ㄝ ㆷ |
ㆤ ㆷ |
ㆥ ㆷ |
ㄞ ㆷ |
ㆮ ㆷ |
ㄠ ㆷ |
ㆯ ㆷ |
ㆬ ㆷ |
ㆭ ㆷ | |||||||||||||||
| ㄧ (ㆪ) |
ㄧ ㄚ |
ㄧ ㆩ |
ㄧ ㄛ |
ㄧ ㆧ |
ㄧ ㄠ |
ㄧ ㆯ |
ㄧ ㆰ |
ㄧ ㆬ |
ㄧ ㄣ |
ㄧ ㄥ |
ㄧ ㄢ |
ㄧ ㄤ |
ㄧ ㆲ |
ㄧ ㄨ |
ㄧ ㆫ |
ㄧ ㆴ |
ㄧ ㆵ |
ㄧ ㆻ |
ㄧ ㆷ |
ㄧ ㄚ ㆴ |
ㄧ ㄚ ㆵ |
ㄧ ㄚ ㆻ |
ㄧ ㄚ ㆷ |
ㄧ ㆩ ㆷ |
ㄧ ㆦ ㆻ |
ㄧ ㄛ ㆷ |
ㄧ ㄠ ㆷ |
ㄧ ㆯ ㆷ |
ㄧ ㄨ ㆷ |
ㄧ ㆫ ㆷ |
ㆪ ㆷ |
||||
| ㄨ (ㆫ) (ㄜ) |
ㄨ ㄚ |
ㄨ ㆩ |
ㄨ ㄝ |
ㄨ ㆤ |
ㄨ ㆥ |
ㄨ ㄞ |
ㄨ ㆮ |
ㄨ ㄢ |
ㄨ ㄣ |
ㄨ ㄤ |
ㄨ ㄧ |
ㄨ ㆪ |
ㆫ ㆬ |
ㆫ ㄣ |
ㆫ ㄥ |
ㆫ ㆪ |
ㄨ ㆵ |
ㄨ ㆷ |
ㄨ ㄚ ㆵ |
ㄨ ㄚ ㆻ |
ㄨ ㄚ ㆷ |
ㄨ ㆤ ㆷ |
ㄨ ㆥ ㆷ |
ㄨ ㄞ ㆷ |
ㄨ ㆮ ㆷ |
ㄨ ㄧ ㆷ |
ㄨ ㆪ ㆷ |
ㆫ ㆴ |
ㆫ ㆵ |
ㆫ ㆻ |
ㄜ ㆤ ㆷ |
||||
- Ji̍p-siaⁿ ūn-bóe èng-kai ài sī "ㆴ(
), ㆵ(
), ㆻ (
), ㆷ(
)". Kū--ê Unicode in-ūi jîn-ûi chhò-gō͘, kā "" siu-lio̍k chò "ㆶ(
)", che m̄-sī chèng-khak ê siá-hoat. Unicode 13.0 í-keng kā "ㆻ ()" pó͘ chiōⁿ-khì ah.
Siaⁿ-tiāu
[siu-kái | kái goân-sí-bé]In-ūi Tâi-gí iu-sè-khioⁿ lāi-té ê iôⁿ-siōng-tiāu í-keng pèng-ji̍p-khì iông-khì tiāu, só͘-í hong-im hû-hō tio̍h bô kā siat-kè i ê hû-hō. Tâi-gí iông-ji̍p ê pún-tiāu, kàu-taⁿ iáu-ū chiok tōa--ê bô-kan̂g.
| Siaⁿ-tiāu | 1 | 2 | 3 | 4 | 5 | 7 | 8 |
|---|---|---|---|---|---|---|---|
| im-piânn | im-siōng | im-khì | im-ji̍p | iông-piânn | iông-khì | iông-ji̍p | |
| Hû-hō | bô | ˋ | ˪ | ㆴ、ㆵ、ㆻ、ㆷ | ˊ | ˫ | ㆴ̇、ㆵ̇、ㆻ̇、ㆷ̇ |
| Pún-tiāu tiâu-ti̍t | ˦ | ˥˧ | ˨˩ | ˧˨ | ˨˦ | ˧ | ˧ ˦ ˥˧ |
| 44 | 53 | 21 | 32 | 24 | 33 | 3 4 53 | |
| Hoān-lē | ㄉㆲ（東） | ㄉㆲˋ（黨） | ㄉㆲ˪（棟） | ㄉㆦㆻ（督） | ㄉㆲˊ（同） | ㄉㆲ˫（洞） | ㄉㆦㆻ̇ （毒） |
Si̍t-lē
[siu-kái | kái goân-sí-bé]Bêng-giân
[siu-kái | kái goân-sí-bé]- Choân-pō͘ ê kho-ha̍k lońg chí put-kò sī kā pêng-siông-sî só͘ su-khó--ê koh-chài thê-liān ── Ài-in-su-thán [lower-alpha 11]
- ㄗㄨㄢ㇒…ㄅㆦ˫ᐳ ㆤ㇒ㄎㄜ…ㄏㄚ＇ㄍᐳㄌㆲ㇔ㄐㄧ㇔…ㄅㄨ ㄉ…ㄍㄜ˪ㄒㄧ˫ㄍㄚ˫ㄅㄧㄥ㇒…ㄒㄧㆲ㇒…ㄒㄧ㇒ᐳㄙㆦ㇔ㄙㄨ…ㄎㄜ㇔∷ ㆤ㇒ㄍㄜ ㄏ…ㄗㄞ˪ㄊㆤ㇒…ㄌㄧㄢ˫ᐳ ── ㄞ˪… ㄧㄣ…ㄙㄨ…ㄊㄢ㇔ᐳ [lower-alpha 12]
Chhun-hiáu
[siu-kái | kái goân-sí-bé]| Chhun-hiáu Bēng hō-jiân | ㄘㄨㄣ ㄏㄧㄠˋ ㆠㄧㄥ˫ ㄏㄜ˫ ㆢㄧㄢˊ | |
| Chhun-biân put kak hiáu, | ㄘㄨㄣ ㆠㄧㄢˊ ㄅㄨㆵ ㄍㄚㆻ ㄏㄧㄠˋ， | |
| chhù-chhù bûn thî-niáu. | ㄘㄨ˪ ㄘㄨ˪ ㆠㄨㄣˊ ㄊㄧˊ ㄋㄧㄠˋ。 | |
| Iā lâi hong-ú seng, | ㄧㄚ˫ ㄌㄞˊ ㄏㆲ ㄨˋ ㄒㄧㄥ， | |
| hoa lok ti to-siáu? | ㄏㄨㄚ ㄌㆦㆻ ㄉㄧ ㄉㄜ ㄒㄧㄠˋ？ |
(Hàn-jī: 春眠不覺曉，處處聞啼鳥。夜來風雨聲，花落知多少？)
Liân-ha̍p-kok Sè-kài Jîn-koân Soan-giân
[siu-kái | kái goân-sí-bé]| Liân-ha̍p-kok Sè-kài Jîn-koân Soan-giân | ㄌㄧㄢˊㄏㄚㆴ̇ㄍㆦㆻㄙㆤᒻㄍㄞᒻ ㆢㄧㄣˊㄎㄨㄢˊ ㄙㄨㄢㆣㄧㄢˊ |
| Tē it tiâu | ㄉㆤ⊦ ㄧㆵ ㄉㄧㄠˊ |
| Lán-lâng seⁿ lâi chū-iû, | ㄌㄢˋ ㄌㄤˊ ㄙㆥ ㄌㄞˊ ㄗㄨ⊦ ㄧㄨˊ， |
| Tī chun-giâm kah khoân-lī siōng it-lu̍t pêng-téng, | ㄉㄧ˫ ㄗㄨㄣ ㆣㄧㆰˊ ㄍㄚㆷ ㄎㄨㄢˊ ㄌㄧ⊦ ㄒㄧㆲ˫ ㄧㆵㄌㄨㆵ̇ ㄅㄧㄥˊ ㄉㄧㄥˋ， |
| Lán-lan̂g ū lí-sèng kah liông-sim, | ㄌㄢˋ ㄌㄤˊ ㄨ⊦ ㄌㄧˋ ㄒㄧㄥᒻ ㄍㄚㆷ ㄌㄧㆲˊ ㄒㄧㆬ， |
| Jî-chhiáⁿ èng-kai í hiaⁿ-tī koan-hē ê cheng-sîn | ㆢㄧˊ ㄑㄧㆩˋ ㄧㄥˋ ㄍㄞ ㄧˋ ㄏㄧㆩ ㄉㄧ⊦ ㄍㄨㄢ ㄏㆤ⊦ ㆤˊ ㄐㄧㄥ ㄒㄧㄣˊ |
| Lâi hō͘-siong tùi-thāi. | ㄌㄞˊ ㄏㆦ⊦ ㄒㄧㆲ ㄉㄨㄧᒻ ㄊㄞ⊦。 |
Han̂g-hái-ka 1 hō Bân-lâm-gí a̋i-sat-chuh
[siu-kái | kái goân-sí-bé]| Bân-lâm-gí gí-im lāi-iông tùi-chiàu | Hong-im hû-hō |
| Thài-khong pêng-iú, lín hó! | ㄊㄞᒻ ㄎㆲ ㄅㄧㄥˊ ㄧㄨˋ，ㄌㄧㄣˋ ㄏㄜˋ！ |
| Lín chia̍h-pá bē? | ㄌㄧㄣˋ ㄐㄧㄚㆷ̇ ㄅㄚˋ ㆠㆤ⊦？ |
| Ū-êng, tō lâi gún chia chē oh. | ㄨ⊦ ㄧㄥˊ，ㄉㄜ⊦ ㄌㄞˊ ㆣㄨㄣˋ ㄐㄧㄚ ㄗㆤ⊦ ㄛㆷ。 |
Chù-kái
[siu-kái | kái goân-sí-bé]- ↑ Mā ū lan̂g jīn-ûi sī ū phīⁿ-im ê /b̃/。
- ↑ Pō͘-hūn ha̍k-chiá jīn-ûi liú-siaⁿ-bó hoat-im m̄-sī Khí-gûn pian kīn-im（/l/）, khah óa cho̍k khí-gûn sat-im（/d/）he̍k-chiá khí-gûn siám-im（/ɾ/）。[1][9][10]
- ↑ 3.0 3.1 "ㆡ" kah "ㆢ" tī Choân-chiu khioⁿ sī [d͡z] kah [d͡ʑ], tī Chiang-chiu khioⁿ sī[z] kah [ʑ]。
- ↑ 1998 Kàu-io̍k-pō͘ kong-pò͘ ê hong-im hû-hō khe̍h chit-jī chò hoān-lē, tān-sī chit-má ê Kàu-io̍k-pō͘ Sû-tián í-keng kái-chò loán (ㄌㄨㄢˋ).[11], m̄-koh chi̍t-kóa chá-kî ê sû-tián (chhiōⁿ 1913 nî chhut-pán ê Kam Jī-tián, iáu-sī pio joán (ㆡㄨㄢˋ), j (ㆡ / ㆢ) piàn-sêng l (ㄌ) sī tâi-gí lāi-té chiok chia̍p khòaⁿ ê hiān-siōng.
- ↑ Mā ū lan̂g jīn-ûi i sī phīⁿ-im hòa ê /g̃/。
- ↑ Pe̍h-ōe-jī tī "ㄨ" āu-piah chiap "ㄚ, ㆤ" ê sî, siá-chò oa, oe, chiōⁿ "ㄨㄞ" siá-chò oai. Kî-tha tio̍h iōng u.
- ↑ 1998 nî Kàu-io̍k-pō͘ kong-pò͘ ê hong-im hû-hō hoān-lē sī "籃", tān-sī bo̍k-chêng ê Kàu-io̍k-pō͘ Sû-tián í-keng kái-chò nâ[13], só͘-í ōaⁿ chi̍t jī.
- ↑ 1998 nî Kàu-io̍k-pō͘ kong-pò͘ ê hong-im hû-hō hoān-lē sī "午", tān-sī bo̍k-chêng ê Kàu-io̍k-pō͘ Sû-tián í-keng kái-chò ngóo[14], só͘-í ōaⁿ chi̍t jī.
- ↑ 1998 nî Kàu-io̍k-pō͘ kong-pò͘ ê hong-im hû-hō bûn-kiāⁿ lē-jī tio̍h sī iōng chit ê hán-tit thiaⁿ-tio̍h ê khioⁿ-kháu, bo̍k-chêng ê Kàu-io̍k-pō͘ Sû-tián bô chit im, tī Tâi-Ji̍t Tōa Sû-tián lāi-té ū.
- ↑ 1998 nî kàu-io̍k-pō͘ kong-pò͘ ê hong-im hû-hō bûn-kiāⁿ lē-jī sī "藕", tān-sī bo̍k-chêng ê kàu-io̍k-pō͘ jī-tián í-keng kái-siá chò ngāu[15], só͘-í tio̍h ōaⁿ-jī; Kàu-io̍k-pō͘ jī-tián kan-na "喓" ū auⁿ ê im.
- ↑ Goân-bûn: “The whole of science is nothing more than a refinement of everyday thinking.” — Albert Einstein, Out of My Later Years (1950)
- ↑ ㄗㄨㄢ㇒ㄅㆦ˫ᐳ ㆤ㇒ ㄎㄜ⎾ㄏㄚ＇ㄍᐳ ㄌㆲ㇔ ㄐㄧ㇔ㄅㄨ ㄉㄍㄜ˪ ㄒㄧ˫ ㄍㄚ˫ ㄅㄧㄥ㇒ㄒㄧㆲ㇒ㄒㄧ㇒ᐳ ㄙㆦ㇔ㄙㄨ⎾ㄎㄜ㇔∷ ㆤ㇒ ㄍㄜ ㄏㄗㄞ˪ ㄊㆤ㇒ㄌㄧㄢ˫ᐳ 。（以空白分詞，並顯示陰平調符）
Chham-khó Chu-liāu
[siu-kái | kái goân-sí-bé]- ↑ 1.0 1.1 1.2 吳守禮. "華、台語注音符號溯源" (PDF). 台語天地. goân-loē-iông (PDF) tī 2022-03-17 hőng khó͘-pih.
- ↑ 台灣方音符號序 http://olddoc.tmu.edu.tw/chiaushin/chu-1.htm Archived 2017-05-03 at the Wayback Machine.
- ↑ "百年來的閩南系臺灣話研究回顧". goân-loē-iông tī 2009-06-25 hőng khó͘-pih.
- ↑ 台(87)語字第八七〇〇〇五七七號公告，《方音符號系統 Archived 2018-07-22 at the Wayback Machine.》，中華民國教育部，1998年1月12日
- ↑ 台語字第0950151609號公告，《臺灣閩南語羅馬字拼音方案 Archived 2011-07-28 at the Wayback Machine.》，中華民國教育部，2006年10月14日
- ↑ "Archive copy". Archived from the original on 2013-06-21. 2024-07-29 khòaⁿ--ê.
- ↑ 洪惟仁. "閩南語書寫法的發展" (PDF). 第七屆臺灣語言及其教學國際學術研討會. goân-loē-iông (PDF) tī 2012-09-16 hőng khó͘-pih. 2020-04-20 khòaⁿ--ê.
- ↑ "台語齒佈(Chuehfu Tech) App",Google Play, retrieved on 28 June, 2021.
- ↑ 董同龢，記台灣的一種閩南語，中研院史語所，1967.06
- ↑ 鄭良偉，台語語音規律大綱及語例，1996
- ↑ "教育部閩南語常用辭典-軟". goân-loē-iông tī 2019-11-30 hőng khó͘-pih. 2016-03-13 khòaⁿ--ê.
- ↑ 12.0 12.1 "教育部閩南語常用辭典-音檔說明". goân-loē-iông tī 2019-11-29 hőng khó͘-pih. 2016-03-13 khòaⁿ--ê.
- ↑ "教育部閩南語常用辭典-籃". goân-loē-iông tī 2019-11-29 hőng khó͘-pih. 2016-03-13 khòaⁿ--ê.
- ↑ "教育部閩南語常用辭典-午". goân-loē-iông tī 2020-08-13 hőng khó͘-pih. 2016-03-13 khòaⁿ--ê.
- ↑ "教育部閩南語常用辭典-藕". goân-loē-iông tī 2019-11-29 hőng khó͘-pih. 2016-03-13 khòaⁿ--ê.
Koh khòaⁿ
[siu-kái | kái goân-sí-bé]Gōa-pō͘ liân-kiat
[siu-kái | kái goân-sí-bé]- 教育部方音符號公告與資料下載Archived 2018-07-22 at the Wayback Machine.
- 方音符號系統資料下載Archived 2017-01-07 at the Wayback Machine.
- 台語天地 吳守禮教授網站Archived 2021-04-21 at the Wayback Machine.
- 台、華注音符號發音總表（吳守禮教授）Archived 2016-03-04 at the Wayback Machine.
- 華、台語注音符號溯源Archived 2019-07-13 at the Wayback Machine.
- 吳昭新 (2013). 新編台灣閩南語用字彙編. 台北市. ISBN 978-9574308002. goân-loē-iông tī 2017-04-30 hőng khó͘-pih. 2016-08-04 khòaⁿ--ê.