ⵜⵓⵜⵍⴰⵢⵜ ⵜⴰⵏⵉⴱⵓⵏⵜ
ⵜⵓⵜⵍⴰⵢⵜ ⵜⴰⵏⵉⴱⵓⵏⵜ (ⵙ ⵜⵏⵉⴱⵓⵏⵜ: 日本語 ⵏⵉⵀⵓⵏⴳⵓ) ⵜⴳⴰ ⵢⴰⵜ ⵙⴳ ⵜⵓⵜⵍⴰⵢⵉⵏ ⵏ ⵓⴳⵎⵓⴹ ⵏ ⵜⴰⵣⵉⵜ, ⵙⵙⴰⵡⴰⵍⵏ ⵜⵜ ⵏⵉⴳ ⵏ 125 ⵏ ⵓⵎⵍⵢⵓⵏ ⵏ ⵎⴷⴷⵏ, ⴰⵎⴰⵜⴰ ⵏⵏⵙⵏ ⴳ ⵏⵉⴱⵓⵏ ⵏⵏⴰ ⴳ ⵜⴳⴰ ⵜⵓⵜⵍⴰⵢⵜ ⵜⴰⵏⴰⵎⵓⵔⵜ.
ⴳ ⵜⵏⵉⴱⵓⵏⵜ, ⵉⵙⵎ ⵏ ⵏⵉⴱⵓⵏ ⵉⴳⴰ ⵜ ⵏⵉⵀⵓⵏ (日本), ⴷ ⵜⵓⵜⵍⴰⵢⵜ ⵜⴰⵏⵉⴱⵓⵏⵜ ⵇⵇⴰⵔⵏ ⴰⵙ ⵏⵉⵀⵓⵏⴳⵓ (日本語) (ⴰⵏⴰⵎⴽ ⵏ ⵡⵓⴹⴼⵉⵕ -ⴳⵓ ⵉⴳⴰ ⵜ ⵜⵓⵜⵍⴰⵢⵜ). ⵜⵉⴳⵓⵔⵉⵡⵉⵏ ⵏⵉⵒⵒⵓⵏ ⴷ ⵏⵉⵒⵒⵓⵏⴳⵓ, ⴷⴰ ⵜⵜⵓⵙⵎⵔⴰⵙⵏⵜ ⴰⵡⴷ ⵏⵉⵜⵏⵜⵉ; ⵙⴳ ⵏⵉⵒⵒⵓⵏ ⴰ ⵙⴳ ⴷ ⵜⴷⴷⴰ ⵜⴳⵓⵔⵉ ⵏⵉⴱⵓⵏ ⴳ ⵜⵎⴰⵣⵉⵖⵜ.
ⵜⴰⵏⵉⴱⵓⵏⵜ ⵜⵙⵙⵎⵔⴰⵙ ⴽⵕⴰⴹ ⵉⵏⴳⵔⴰⵡⵏ ⵏ ⵜⵉⵔⵔⴰ ⵥⵍⵉⵏⵉⵏ: ⵀⵉⵔⴰⴳⴰⵏⴰ, ⴽⴰⵜⴰⴽⴰⵏⴰ ⴷ ⴽⴰⵏⵊⵉ. ⵙⵉⵏ ⵉⵣⵡⴰⵔⵏ ⴳⴰⵏ ⵉⵎⵙⵉⵙⵍⵉⵢⵏ (ⴰⵔ ⵎⵎⴰⵍⵏ ⴰⵙⵓⵙⵔⵓ ⵏ ⵜⴳⵓⵔⵉⵡⵉⵏ ⵜⵉⵏⵉⴱⵓⵏⵉⵏ), ⴷ ⵓⴽⴰⵏⵊⵉ ⵉⴳⴰ ⵜⴰⵎⵣⴰⵔⴰⵢⵜ ⵜⴰⵏⵉⴱⵓⵏⵜ ⵏ ⵉⵙⴽⴽⵉⵍⵏ ⵉⵛⵉⵏⵡⵉⵢⵏ (ⴰⵔ ⵎⵎⴰⵍⵏ ⴰⵏⴰⵎⴽ ⵏ ⵜⴳⵓⵔⵉⵡⵉⵏ ⵜⵉⵏⵉⴱⵓⵏⵉⵏ). ⵜⵣⵎⵔⴷ ⴰⴷ ⵜⴰⴼⴷ ⵉⵏⴳⵔⴰⵡⵏ ⴰⴷ ⵏ ⵜⵉⵔⵔⴰ ⵙ ⴽⵕⴰⴹ ⴳ ⵢⴰⵜ ⵜⵡⵉⵏⵙⵜ.
ⵜⴰⵏⵉⴱⵓⵏⵜ ⵖⵓⵔⵙ ⵎⵔⴰⵡ ⵉⵖⵔⵉⵜⵏ, ⵙⵎⵎⵓⵙ ⵖⵣⵣⵉⴼⵏⵉⵏ ⴷ ⵙⵎⵎⵓⵙ ⴳⵣⵣⵓⵍⵏⵉⵏ, ⵏⵣⵎⵔ ⴰⴷ ⵏⵉⵏⵉ ⵙⵎⵎⵓⵙ ⵏ ⵉⵖⵔⵉⵜⵏ ⵎⵣⴰⵔⴰⵢⵏ ⴳ ⵜⵖⵣⵉ ⵏⵏⵙⵏ. ⵉⵖⵔⵉⵜⵏ ⴰⴷ ⴳⴰⵏ ⵜⵏ: a, i, u, e, o, ⴳ ⵓⴳⵎⵎⴰⵢ ⵉⵎⵙⵉⵙⵍⵉ ⴰⴳⵔⴰⵖⵍⴰⵏ (ⴳⵎⴳ/IPA) ⵜⴻⵜⵜⵢⵓⵔⴰⵏ ⴰⴽⴽⴰ: /a/, /i/, /ɯ/, /e/, /o/, ⴰⵙⵓⵙⵔⵓ ⵏⵏⵙⵏ ⴳ ⵜⵎⴰⵣⵉⵖⵜ ⵉⴳⴰ: ⴰ, ⵉ, ⵓ, ⴻ, ⵓ (ⴰⵎ ⵓ ⵉⵍⵍⴰⵏ ⴳ ⴰⵥⵕⵓ). ⵜⵉⵖⵣⵉ ⵏ ⵢⵉⵖⵔⵉ ⴷⴰ ⵜⵙⵏⴼⴰⵍ ⴰⵏⴰⵎⴽ ⵏ ⵜⴳⵓⵔⵉ, ⵙ ⵓⵎⴷⵢⴰ: ⵓⵊⵉⵙⴰⵏ (おじさん, ⵄⵎⵎⵉ) ⴷ ⵓⵊⵉⵉⵙⴰⵏ (おじいさん, ⴷⴰⴷⴷⴰ).
ⴰⵎⵣⵔⵓⵢ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵉⵏⵜⴰⵍⴰⵢⵉⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵎ ⵎⴰⵕⵕ ⵜⵓⵜⵍⴰⵢⵉⵏ ⵜⵉⵏⴰⵎⵓⵔⵉⵏ, ⵍⵍⴰⵏ ⴰⵟⵟⴰⵙ ⵏ ⵜⵏⵜⴰⵍⴰⵢⵉⵏ ⵜⵉⵏⵉⴱⵓⵏⵉⵏ ⵎⵣⴰⵔⴰⵢⵏⵜ ⴳ ⵜⵙⵏⵎⵙⵍⵉⵜ (ⵜⴰⴼⵓⵏⵓⵍⵓⵊⵉⵜ), ⴰⵎⴰⵡⴰⵍ ⴷ ⵜⵊⵕⵕⵓⵎⵜ. ⵙ ⵜⵏⵉⴱⵓⵏⵜ, ⵜⴰⵏⵜⴰⵍⴰ ⵜⴳⴰ ⵜⵜ ⵀⵓⵓⴳⵏ (方言); ⴳ ⵡⴰⵡⴰⵍ ⴰⴽⵓⵢⴰⵙ, ⵎⴽ ⵏⵔⴰ ⴰⴷ ⵏⵙⴰⵡⵍ ⵅⴼ ⴽⵔⴰ ⵏ ⵜⵏⵜⴰⵍⴰ ⵏ ⴽⵔⴰ ⵏ ⵓⴷⵖⴰⵔ, ⴷⴰ ⵏⵔⵏⵏⵓ ⵓⴹⴼⵉⵕ ⴱⵏ (弁) ⵉ ⵢⵉⵙⵎ ⵏ ⵓⴷⵖⴰⵔ ⵏⵏⴰ ⴳ ⵜⴻⵜⵜⵓⵙⴰⵡⴰⵍ, ⵎⴰⵛⴰ ⵉⵎⵙⵏⵜⴰⵍⴰⵜⵏ ⵓⵔ ⵙⵙⵎⵔⴰⵙⵏ ⵛⵉ ⵓⴹⴼⵉⵕ ⴰⴷ.
ⵜⵓⵜⵍⴰⵢⵉⵏ ⵜⵜⵓⵙⴰⵡⴰⵍⵏⵉⵏ ⴳ ⵜⴳⵣⵉⵔⵉⵏ ⵏ ⵔⵢⵓⴽⵢⵓ ⵓⵔ ⴳⵉⵏⵜ ⵜⵏⵜⴰⵍⴰⵢⵉⵏ ⵏ ⵜⵏⵉⴱⵓⵏⵜ, ⴳⴰⵏⵜ ⵜⵓⵜⵍⴰⵢⵉⵏ ⵙ ⵢⵉⵎⴰⵏ ⵏⵏⵙⵏⵜ, ⵉⵙⵎ ⵏⵏⵙⵏⵜ ⵜⵓⵜⵍⴰⵢⵉⵏ ⵏ ⵔⵢⵓⴽⵢⵓ, ⵜⴰⵍⵍⵉ ⴰⴽⴽⵯ ⵉⵜⵜⵢⵓⵙⵙⴰⵏ ⵙⴳⵙⵏⵜ ⵉⵙⵎ ⵏⵏⵙ ⵜⵓⵜⵍⴰⵢⵜ ⵏ ⵓⴽⵉⵏⴰⵡⴰ.
ⵉⵎⴷⵢⴰⵜⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]| ⵀⵉⵔⴰⴳⴰⵏⴰ | ⵔⵓⵎⴰⵊⵉ | ⵙ ⵜⴼⵉⵏⴰⵖ | ⵜⴰⵙⵓⵖⵍⵜ |
|---|---|---|---|
| ありがとう | arigatō | ⴰⵔⵉⴳⴰⵟⵓⵓ | ⵜⴰⵏⵎⵎⵉⵔⵜ |
| 水 | mizu | ⵎⵉⵣⵓ | ⴰⵎⴰⵏ |
| 島 | shima | ⵛⵉⵎⴰ | ⵜⴰⴳⵣⵉⵔⵜ |
ⵜⵉⵔⵔⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴷⴰ ⵜⴻⵜⵜⵢⴰⵔⴰ ⵜⵏⵉⴱⵓⵏⵜ ⵙ ⴽⵉⴳⴰⵏ ⵏ ⵉⵙⴽⴽⵉⵍⵏ ⵉⵛⵉⵏⵡⵉⵢⵏ, ⵏⵉⵖ ⵓ ⵎⵉ ⵇⵇⴰⵔⵏ ⴽⴰⵏⵊⵉ (漢字). ⴰⴽⴷ ⵓⴽⴰⵏⵊⵉ, ⴰⵏⴳⵔⴰⵡ ⴰⵏⵉⴱⵓⵏ ⵏ ⵜⵉⵔⵔⴰ ⵉⵙⵙⵎⵔⴰⵙ ⵙⵏⴰⵜ ⵜⵉⵔⵔⴰ ⵜⵉⴼⵉⵔⴰⵏⵉⵏ, ⵀⵉⵔⴰⴳⴰⵏⴰ (ひらがな ⵏⵉⵖ 平仮名) ⴷ ⴽⴰⵜⴰⴽⴰⵏⴰ (カタカナ ⵏⵉⵖ 片仮名).
ⵀⵉⵔⴰⴳⴰⵏⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ].gif)
ⵍⵍⴰⵏ 46 ⵉⵙⴽⴽⵉⵍⵏ ⴳ ⵀⵉⵔⴰⴳⴰⵏⴰ.
| ⵙ ⵜⴼⵉⵏⴰⵖ | ⵙ ⵀⵉⵔⴰⴳⴰⵏⴰ |
|---|---|
| ⴰ | あ |
| ⵉ | い |
| ⵓ | う |
| ⴻ (e ⴰⵍⴰⵜⵉⵏ) | え |
| ⵓ (ⵓ ⵉⵍⵍⴰⵏ ⴳ ⴰⵥⵔⵓ, o ⴰⵍⴰⵜⵉⵏ) | お |
ⴰⵍⵎⵎⵓⴷ ⵏ ⵜⵏⵉⴱⵓⵏⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵍⵎⵎⵓⴷ ⵏ ⵜⵏⵉⴱⵓⵏⵜ ⵙⵖⵓⵔ ⵉⴱⵕⵕⴰⵏⵉⵢⵏ ⵉⴱⴷⴰ ⵙⴳ ⵓⵙⵙⵏⵜⵉ ⵏ ⵜⴰⵙⵓⵜ ⵜⵉⵙ ⵜⵥⴰ ⴷ ⵎⵔⴰⵡⵜ (ⵜⵉⵙ 19), ⵎⴰⵛⴰ ⵉⴷⵡⵍ ⴷ ⵉⴳⴳⵓⵜ ⵍⵍⵉⴳ ⵜⵙⵙⵏ ⵏⵉⴱⵓⵏ ⴰⴱⵓⵖⵍⵓ ⴰⴷⵎⵙⴰⵏ ⴳ ⵉⵙⴳⴳⵯⴰⵙⵏ ⵏ 1980, ⴷ ⴰⵙⴼⵔⵓⵔⵜ ⵏ ⵜⴷⵍⵙⴰ ⵜⴰⵏⵉⴱⵓⵏⵜ ⵜⴰⵜⵔⴰⵔⵜ (ⵎⴰⵏⴳⴰ, ⴰⵏⵉⵎⵉ...) ⵙⴳ ⵉⵙⴳⴳⵯⴰⵙⵏ ⵏ 1990.
ⴳ 2003, ⵓⴳⴳⴰⵔ ⵏ 90,000 ⵏ ⵉⵏⵎⵍⴰⴷⵏ ⵉⴱⵕⵕⴰⵏⵉⵢⵏ ⵜⵜⵍⵎⴰⴷⵏ ⴳ ⵜⵙⴷⴰⵡⵉⵏ ⵜⵉⵏⵉⴱⵓⵏⵉⵏ ⴷ ⵜⵏⵎⴰⵍ ⵏ ⵜⵓⵜⵍⴰⵢⵜ ⵜⴰⵏⵉⴱⵓⵏⵜ ⴳ ⵏⵉⴱⵓⵏ, ⴷⵉⴳⵙⵏ 77,000 ⵏ ⵉⵛⵉⵏⵡⵉⵢⵏ ⴷ 15,000 ⵏ ⵉⴽⵓⵔⵉⵢⵏ ⵏ ⵉⴼⴼⵓⵙ. ⴳ ⵜⴳⵍⴷⵉⵜ ⵉⵎⵓⵏⴻⵏ, ⴷⴰ ⵜⴻⵜⵜⴰⵡⵙ ⵜⵎⵙⵎⵓⵏⵜ ⵜⴰⴱⵔⵉⵟⴰⵏⵜ ⵏ ⵜⵣⵔⴰⵡⵉⵏ ⵜⵉⵏⵉⴱⵓⵏⵉⵏ ⵉ ⵜⵣⵔⴰⵡⵜ ⵏ ⵜⵓⵜⵍⴰⵢⵜ ⵜⴰⵏⵉⴱⵓⵏⵜ.
ⵥⵕ ⵓⴳⴳⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵀⵉⵏⵓⵀⵉⵏⵓⵎⵓⵀⵉⵊⵉ
- ⵔⵓⵎⴰⵊⵉ
- ⴰⵙⵓⵙⵔⵓ ⵏ ⵜⵏⵉⴱⵓⵏⵜ
- ⵜⴰⵊⵕⵕⵓⵎⵜ ⵜⴰⵏⵉⴱⵓⵏⵜ
- ⵜⴰⵍⴳⴰⵎⵜ ⵙⵡⴰⴷⵉⵛ ⵏ ⵜⵏⵉⴱⵓⵏⵜ
- ⵔⵢⴰⴽⵓⴳⵓ, ⴰⵣⴳⵣⵍ ⴳ ⵜⵏⵉⴱⵓⵏⵜ