荆州（古代）
荆州是汉族文化里古九州之一。
作为九州之一
[编辑]先秦
[编辑]相当于今朝湖北湖南两省全境搭著河南、江西、贵州、广东、广西五省部分地区，从荆山一带直到衡山之南。范围等同于战国时代楚国版图。
汉代
[编辑]范围等同于荆州刺史部——
| 州名 | 范围 |
|---|---|
| 荆州 | 南阳郡、南郡、江夏郡、桂阳郡、武陵郡、零陵郡、长沙国 |
到著东汉，除脱本生荆州刺史部范围外，还包括广东省全境搭著广西、越南部分地区。
隋代
[编辑]据《隋书卷三十·地理中》记载个所属各郡——
| 州名 | 范围 |
|---|---|
| 荆州 | 南郡、夷陵郡、竟陵郡、沔阳郡、沅陵郡、武陵郡、清江郡、襄阳郡、舂陵郡、汉东郡、安陆郡、永安郡、义阳郡、九江郡、江夏郡、澧阳郡、巴陵郡、长沙郡、衡山郡、桂阳郡、零陵郡、熙平郡 |
明代
[编辑]明太祖拿湖湘襄阳地区视为“中国封疆”个组成部分。
根据成书于1461年个《大明一统志》，明朝国内属于荆州州域个省府——
| 州名 | 范围 |
|---|---|
| 荆州 | 湖广省；韶州府、梧州府、桂林府、铜仁府、平乐府 |
作为行政区域
[编辑]两汉
[编辑]西汉武帝元封五年（公元前106年），全国除脱中央之外个地域分成功十三隻州刺史部。但是箇歇州刺史部只是监察区，无治所，不是真正个行政区。
东汉汉灵帝中平五年（188年）后，州成为正式个一级行政区域。据《后汉书》记载，荆州辖有南阳（今河南西南）、南郡（湖北西部）、江夏（湖北东部）、长沙（湖南东北）、桂阳（湖南东南）、武陵（湖南西北）、零陵（湖南西南）七郡。州治所直到汉献帝辰光刘表领荆州牧以前侪来拉武陵郡汉寿县（常德市汉寿县），后因荆南地区黄巾贼余孽朆退再拿治所移到当时已经相当繁荣个南郡襄阳城（襄阳市）。
三国两晋
[编辑]208年赤壁之战后，原先短暂领有荆州个曹操只保牢北许个南阳郡、江夏郡搭南郡一部分，而中南许畀拉孙刘联军占据。曹操后首从南郡、南阳郡里分出襄阳郡、南乡郡，荆州成为三分割据个局面：西南许个南郡、零陵、武陵归刘备，东南许个江夏、桂阳、长沙归孙权，北许个南阳、襄阳、南乡归曹操。一般认为箇隻阶段三家各占三郡个局面是“荆襄九郡”一词个来源。