Robot
Robot mangrupa hiji alat mékanik anu bisa ngalakukeun tugas-tugas fisik, ngagunakeun pangawasan jeung kontrol manusa, atawa ngagunakeun program anu geus didéfinisikeun (kacerdasan jieunan). Istilah robot asalna tina bahasa Ceko "robota" anu hartina pagawé anu teu wanoh kana kacapé. Lolobana robot industri dipaké dina bidang industri.
Robot biasana digunakeun pikeun tugas beurat, tugas anu ngabahayakeun, pagawéan nu bulak-balik dipigawé jeung pagawéan-pagawéan anu kotor. Biasana robot industri digunakeun dina lén produksi. Kagunaan lianna kaasup pikeun ngabérésihan limbah nu ngandung racun, pangjalajahan ka jero cai jeung luar angkasa, pertambangan, téang jeung tulung (SAR) jeung pikeun néangan bahan tambang. Kiwari robot mulai asup ka pasaran konsumén dina widang hiburan, panyedot kebul jeung pamotong jukut.
Définisi
[édit | édit sumber]Kecap robot digunakeun pikeun mesin nu rentangna lega, nu performa umumna nyaéta bisa pindah sarta bisa dugunakeun pikeun ngalakukeun tugas fisik. Robot-robot bisa béda-béda wujudna, ti mimiti humanoid, nu niron wangun sarta cara gerakna manusa, atawa keur industri, nu panempona diatur ku fungsi nu dijieun keur manéhna. Robot bisa digolongkeun sacara garis badag kana robot mobil (contona tutumpakan nu otonom), robot manipulator (contona robot industrial) jeung robot nu bisa ngonfigurasi sorangan, nu bisa nyaluyukeun manéh jeung tugas nu dibikeun.
Perkembangan kiwari
[édit | édit sumber]Nalika nu nyipta robot mimiti nyoba nyonto manusa jeung sato, anjeunna ngarasa yén hal éta kacida héséna; ngabutuhkeun tanaga pangitungan anu leuwih loba tinimbang anu aya dina mangsa harita. Jadi, panekenan perkembangan dirobah kana widang risét séjénna. Robot sederhana nu maké roda digunakeun pikeun ngalakukeun ékspérimén dina tingkah laku, navigasi jeung perencanaan jalur. téhnik navigasi éta geus ngembang jadi sistim kontrol robot otonom anu kasayogikeun kalayan komérsial; conto sistim kontrol navigasi pangmutahirna anu aya dina mangsa kiwari kaasup dina sistim navigasi dumasar kana laser jeung VSLAM (Visual Simultanéous Localization and Mapping) ti Activmedia Robotics jeung Evolution Robotics.
Nalika para téhnisi siap pikeun nyoba robot nu bisa leumpang deui, aranjeunna mulai tina héksapoda jeung platform sato suku loba lianna. Robot-robot éta nyonto ka serangga jeung arthropoda dina bentuk jeung fungsina. Trén nuju jenis badan éta nawarkeun fléksibilitas anu gedé jeung kabuktian bisa adaptasi jeung sagala rupa lingkungan, tapi béaya tina panambahan karumitan mékanikal éta geus ngahalangan diadopsina ku para konsumén. Ku ayana suku leuwih ti opat, robot-robot ieu stabil kalayan statis anu nyababkeun maranéhannana bisa digawé leuwih gampang. Tujuan tina risét robot suku dua nyaéta nepikeun ka gerakan leumpang ngagunakeun gerakan pasip-dinamik anu nyonto kana gerakan manusa. Tapi, hal ieu mungkin nembé bisa kawujudkeun sababaraha taun ke hareup.
Masalah téhnis séjén nu ngahalangan dipakéna robot sacara luas nyaéta alatan kompléksitas penanganan obyék fisik dina lingkungan alam nu ngaco. Sénsor taktil jeung algoritma paningalian nu leuwih hadé mungkin bisa méréskeun masalah ieu. Robot Online UJI ti University Jaume I di Spanyol mangrupa conto nu hadé tina perkembangan bu aya dina widang ieu.
Ahir-ahir ieu, perkembangan hébat geus dijieun dina robot médis, ku gawéna dua pausahaan kusus, Computer Motion jeung Intuitive Surgical, nu narima pangesahan pangaturan di Amérika Utara, Eropa jeung Asia pikeun robot-robotna pikeun digunakeun dina prosédur pembédahan minimal. Otomasi laboratorium ogé mangrupa aréa nu berkembang. Di dieu, robot benchtop digunakeun pikeun mindahkeun sampel biologis atawa kimiawi antar parangkat saperti inkubator, mangrupa panyekel jeung pamaca cairan. Tempat lain di mana robot dipikaresep pikeun ngagantikeun pagawéan manusa nyaéta dina éksplorasi laut jero sarta éksplorasi antariksa. Keur tugas-tugas ieu, wangun awak arthropoda umumna dipikaresep. Mark W. Tilden baheulana spesialis Laboratorium Nasional Los Alamos myieun robot murah dkalayan dua suku nu bisa dibéngkokkeun tetapi can nyambung, sedengkeun séjénna nyieun suku kapiting nu bisa gerak tur nyambung.
Robot jangjangan ékspériméntal sarta conto lain nu ngéksploitasi biomimikri ogé dina tahap pengembangan dini. Nu disebut "nanomotor" jeung "kawat cerdas" diperkirakeun bisa nyederhanakeun daya gerak sacara drastis, sedengkeun stabilisasi dina penerbangan katempona bakal ditingkatkeun ngaliwatan giroskop nu kacida leutikna. Rojongan penting pagawéan ieu nyaéta keur risét militér téhnologi mata-mata.