Wikipedia:Kevtteetubdâldâh
Kevtteetubdâldâh lii persovnlâš kevtteetili, moin kevtteeh tubdâttâteh Wikipediast. Tubdâldâh uáinoo puoh tain rahtum hammiimij ohtâvuođâst om. sijđohistorjáin. Wikipedia puáhtá meid hammiđ čáládâthánnáá siisâ, mutâ talle hammiimij ohtâvuođâst uáinoo hämmejeijee IP-čujottâs.
Kevtteetubdâlduv valjim
[mute käldee]Kevtteetubdâldâh lii vuosmuš äšši, mon iäráseh uáinih tust, te kannat valjiđ taggaar tubdâlduv, mii ij luávkkáá teikkâ lah mudoi unohâs. Smietâ meid tárkká, halijdah-uv kevttiđ jieijâd noomâ, nommâpustavijd teikkâ taggaar kevtteenoomâ, mon kiävtáh eres soojijn. Ko kevtteetubdâldâh lii rahtum, tom ij pyevti innig meddâlistiđ.
Kevtteetubdâlduv vuosmuš merkkâ šadda ain styeresin, jis tot lii puustav. Ađai ovdâmerkkân jis čáláh kevtteetubdâldâhân riijmâ riemnjis, te šadda tast Riijmâ riemnjis. Eres pustavij stuáruduv puávtáh jieš valjiđ, já systeem muštá taid.