Anarâškielâlâš Wikipedia
Anarâškielâlâš Wikipedia lii Wikipedia anarâškielâlâš versio, mii vuáđudui roovvâdmáánu 19. peeivi 2020.[1] Orjâlâškielâlii Wikipedia lasseen taat lii maailm nubbe sämikielâlâš Wikipedia. Jo vuossâmuu peeivi tast lijjii paijeel 1 000 artikkâlid. Ko váldoo huámmášumán anarâškielâ sárnoomeeri, te taan Wikipedia artikkâlmeeri lii viehâ styeres.
Juovlâmáánu 31. peeivi 2020 anarâškielâlii Wikipediast lijjii paijeel 2 000 artikkâlid. Kuovâmáánu 25. peeivi 2021 anarâškielâlii Wikipediast lijjii jo 2 500 artikkâlid. Ive maŋa anarâškielâlii Wikipediast lijjii 3 643 artikkâlid.
Fáádáh
[mute | mute käldee]Kuovâmáánu 28. peeivi 2023 anarâškielâlii Wikipediast lijjii 8 687 luokkad. Stuárráámus luokka, mii ij lah čiehhum, lii Iveh, mast láá 1 280 jesânid (artikkâlid já/teikkâ vyeliluokkad). Nubben lii luokka Ulmuuh staatâ mield, mast láá tuše 195 jesânid. Koskâmiärálávt jyehi luokkaast láá 4 jeessân.
Ulâttâsah
[mute | mute käldee]| Artikkâlij meeri | Peivimeeri | Äigikoskâ (pv) |
|---|---|---|
| 1 | cuáŋuimáánu 2011 | – |
| suulân 1 000 | roovvâdmáánu 19. peeivi 2020 | maŋgâ ive |
| 2 000 | juovlâmáánu 31. peeivi 2020 | 73 |
| 2 500 | kuovâmáánu 25. peeivi 2021 | 56 |
| 3 000 | kesimáánu 15. peeivi 2021 | 110 |
| 3 500 | čohčâmáánu 5. peeivi 2021 | 82 |
| 4 000 | uđđâivemáánu 31. peeivi 2022 | 148 |
| 4 500 | porgemáánu 4. peeivi 2022 | 185 |
| 5 000 | kuovâmáánu 17. peeivi 2023 | 197 |
| 5 500 | juovlâmáánu 20. peeivi 2023 | 306 |
| 6 000 | skammâmáánu 20. peeivi 2024 | 336 |
Käldeeh
[mute | mute käldee]- ↑ Brecciaroli, Fabrizio. Anarâškielâlâš Wikipedia lii tääl olmâ Wikipedia. Anarâškielâ servi. Loostâš 03/2020. Čujottum 18.12.2020