لینکس

لینکس عملیاتي سیسټم د UNIX عملیاتي سیسټم څخه وروسته په ۱۹۹۱ کال کې د لینوس ټوروالډز لخوا چې د هلسنګي پوهنتون د کمپیوټر ساینس پوهنځۍ د دوهم ټولګۍ محصل وو جوړ شو، دا هغه وخت وو چې عامو خلکو نشوی کولی یونیکس عملیاتي سیسټم د لوړ قیمت له امله استعمال کړي او پدې انتظار کې وه چې داسې یو عملیاتي سیسټم جوړ شي چې مفت وي نو ځکه د GNU په نامه یو اتحادیه رامینځته شوه چې لینوس ټوروالډز یې غړی وو او پدې هڅه کې شوه چې داسې یو عملیاتي سیسټم جوړ کړی چې هرڅوک وکولای شی استفاده ورڅخه وکړي او استعمال یې کړي چې بالاخره په ۱۹۹۱ کال کې پدې وتوانیدل چې د لینکس په نامه عملیاتي سیسټم جوړ کړی چې د خلکو د تود هرکلی سره مخامخ شو او اوس په نړۍ کې په زیاته اندازه استعمالیږي ، د اوسنی اټکل له مخې ۲۹ میلیونه خلک په نړۍ کې له دغه عملیاتي سیسټم څخه استفاده کوی او نوموړی ډیر مشهوره عملیاتي سیسټم دی . لینکس یو Multi user ، Multi-tasking او Open- source عملیاتي سیسټم دی یعنی په یوه وخت کې د ډیرو وظیفو او عملیو تر سره کوونکی، د ډیرو یوزرو منونکی، کوډ یې مفت ، د تغیر او پرمختګ وړ چې هرڅوک یې لیکلای او تغیر کولای شی.

د لینکس عملیاتي سیسټم نسخې

Kali Linux
Ubuntu
Debian
CentOS Linux
CentOS Stream
Red Hat Enterprise Linux (RHEL)
Gentoo
Fedora