Sassen (Bundsland)
„Freestaat Sassen“ wiest op düsse Siet. Dat Woort hett noch annere Bedüden: kiek dorför ünner Freestaat Sassen (1918–1934).
| |||||
| Wahlspröök: keen Motto | |||||
| Natschonalhymne: | |||||
| |||||
| Hööftstadt | Dresden {{{BGR}}}° {{{BMIN}}}′ {{{NS}}}, {{{LGR}}}° {{{LMIN}}}′ | ||||
| Gröttste Stadt | Leipzig | ||||
| Amtsspraak | Düütsch un Böversorbsch | ||||
| Regeren Ministerpräsident |
CDU, Gröne, SPD Michael Kretschmer (CDU) | ||||
| Grött • Allens • Water (%) |
18.415,66 km² 2,3 % | ||||
| Inwahnertall • 2022 Tellt • Inwahnerdicht |
4.086.152 221/km² | ||||
| Geldsoort | Euro (EUR)
| ||||
| BBP | 134,511 Mrd. € $ (2021) 34.000 € $ je Kopp | ||||
| Tietzoon • Sommertiet |
MET (UTC+1) | ||||
| Internet-TLD | .de | ||||
| ISO 3166 | DE-SN | ||||
| Vörwahl | +49
| ||||
Sassen (staatsch Freestaat Sassen; hoochdüütsch Freistaat Sachsen; böversorbsch Swobodny stat Sakska) is en düütsch Bundsland an de Grenz to Polen un Tschechien. Todem grenzt Sassen an de Bundslänner Bayern, Döringen, Sassen-Anholt un Brannenborg. In Sassen leevt up 18.451,51 km² 4.254.000 Inwahners (30. September 2006). Dat sünd 231 Inwahners/km². De Hööftstadt is Dresden, de gröttste Stadt is Leipzig. De gröttste Stroom is de Elv.
Regeerung
[ännern | Bornkood ännern]Regeert warrt Sassen vun den Oktober 2004 af an vun en Grode Koalitschoon ut CDU un SPD. Ministerpräsident is Michael Kretschmer vun de CDU vun den 13. Dezember 2017 af an. Sien Vörgänger weer Stanislaw Tillich.
Spraaken
[ännern | Bornkood ännern]In de Lausitz in Sassen warrt Böversorbsch snackt, wat en slaavsche Spraak is un mit Poolsch un Tschechsch verwandt is. Annerwegens snackt de Lüde Hoochdüütsch.
Historie
[ännern | Bornkood ännern]De Freestaat Sassen hett sik 1918 ut dat Königriek Sassen billt. Düütschland weer nu Republiek un de König afsett. 1945 kemen to den Freestaat de Delen vun Slesien, de westen de Neiße legen. Sassen weer nu Deel vun de Düütsche Demokraatsche Republiek (DDR). 1952 hett de DDR denn de Länner oplööst un Bezirke billt. Dat Rebeet vun Sassen keem an de Bezirke Leipzig, Dresden un Chemnitz. Nadem de DDR 1990 de Bundsrepubliek Düütschland bitreden is, geev dat wedder den Freestaat Sassen in siene Grenzen vun 1952.
Den Naam driggt dat Land aver, ofschoonst dor to kene Tiet Lüüd vun den olen Sassenstamm leven, op de sik de Naam betüht. De Herrschers vun de olen Sassen harrn Rebeden in dat ole Stammland vun de Sassen un ok in de Neesiedelrebeden in’n Oosten, wo vördem vör allen Slaven leven. Mit de Tiet hett sik aver de Besitt vun de Sassenherrschers op mehr Förstendömer opdeelt. Een vun de bedüdensten ünner de Förstendömer, de den Naam na sassisch weren, weer nu dat Hartogdom Sassen-Wittenbarg. De Hartög seten in Wittenbarg, wat to de Tiet noch even in dat ole sassisch-nedderdüütsche Rebeet leeg. 1423 is del letzte Hartog doodbleven un nu keem dat Hartogsamt an de Markgrafen vun Meißen. Dormit weer denn de Sassennaam ganz op en Rebeet övergahn, dat buten dat Sassenland leeg. Dat Stammland vun de Sassen heet nu mehrsttiets Neddersassen (wat aver ok nich ganz dat sülve is as dat hüdige Bundsland), dat annere heet toeerst Obersassen, denn baald blots noch Sassen.
.svg){kind=small}