Wikipedia:Kasalahan umum di Wikipedia

Wikipedia adolah sabuah proyek basamo untuak mawujuikan ensiklopedia talangkok dalam sadonyo bahaso di dunia, tamasuak bahaso Minangkabau. Pandukuang proyek iko adolah komunitas dariang nan tadiri dari rami urang nan baminaik untuak mambangun ensiklopedia bakualitas tinggi, dalam suasana saliang oromaik-maoromaki. Barikuik iko ado babarapo kasalahan umum nan paralu Sanak ilakan:

Mambuek...

Artikel otobiografi yaitu artikel tantang diri Sanak surang. Sanak bukan urang nan tapek untuak manulih suatu artikel netral tantang diri Anda surang. Silakan tulihan data diri Sanak sacukuiknyo di Laman pangguno Sanak, namun jan mamasuakan resume Sanak ka Wikipedia, walaupun itu di laman pangguno Sanak surang.
Artikel parusaoan atau organisasi tampaik Sanak bakarajo. Patamo-tamo, Sanak ka sulik untuak basikap netral; kaduo, jikok parusaoan tampaik Sanak bakarajo patuik untuak dimasuakan ka Wikipedia, bialah urang lain nan manulihnyo, atau Sanak dapek mamintaknyo malalui Pamintaan artikel
Entri kamuih, karano Wikipedia bukanlah sabuah kamuih, malainan sabuah ensiklopedia. Tampaik nan sasuai untuak tu adolah Wikikamuih bahaso Minangkabau.
Artikel nan sarupo bana jo artikel lain tapi bajudua babedo. Pastikan daulu bahaso sabuah artikel alun ado di Wikipedia bahaso Minangkabau, kok paralu gunoan masin pancari Google jo mamasuakan kato kunci: "site:min.wikipedia.org <topik>"
Artikel nan singkek bana nan indak mamanuahi unsur kapatuikan ka lansuang diapuih
Artikel nan talampau taparinci sarupo karya ilmiah, karano manyalahi kabijakan manganai riset asali

Maapuih...

Isi nan bamakna, walaupun kadang-kadang iddak ditulih sacaro rancak, namun Sanak dapek manolong jo caro maubah panulihannyo, dan bukan maapuihnyo. Saumpamo suatu bagian dari artikel "indak tasalamaikan" lai, kok bagian tu cukuik panjang, sabaiaknyo Sanak pindahan ka laman rundiangnyo, sainggo masiah dapek dicaliak dan siapo tau ado pangguno lain nan amuah mangambangannyo. Panulih teks tasabuik mamandangnyo baguno, jadi adolah sopan untuak manyimpannyo supayo dapek dibicaroan labiah lanjuik.
Isi nan bias; yang seharusnya Anda lakukan adalah menghapus biasnya dan membiarkan isinya.
Indak pakai pambaritauan. Gunoan "Ringkasan suntiangan" untuak mambaritau alasan pangapuihan nan Sanak lakuan, kok indak Sanak dapek dipandang malakuan sasuatu nan marugian komunitas.
Isi laman rundiang salain di laman Maota Sanak surang. Laman rundiang adolah bagian dari catatan sijarah di Wikipedia dan indak saaruihnyo diapuih. Jikok suatu laman rundiang diraso lah talampau panjang/lamo bana, mangko sarancaknyo diarsipan (di sublamannyo), sainggo masiah dapek diakses lain wakatu.

Manyumbang jo...

Paragraf pambuko nan indak jaleh. Paragraf pambuko paralu manjalehan/manyingkek isi suatu artikel dan manga artikel iko pantiang. Jan anyo manulih untuak manarik minik pambaco supayo taruih mambaco sisa artikelnyo. Tulihlah ringkasan artikelnyo di paragraf pambuko.
Tulihan-tulihan nan indak konsisten. Tulihan-tulihan sarupo tu ka mambinguangan pambaco dan manambahi pakarjoan pangguno lain untuak maluruihan gaya panulihan nan salah.
Rujuakan nan mambaliak ka diri surang di dalam suatu artikel. Artikel di Wikipedia (atau di wiki-wiki lainnyo) indak dapek dipagunoan untuak rujuakan suatu artikel. Marujuak ka artikel Wikipedia buliah-buliah sajo dilakuan di laman rundiang artikelnyo untuak kaparaluan badiskusi.
Mancantuman pautan lua di badan artikel. Pautan lua saaruihnyo dilatakan di bagian bawah artikel. Kok pauta lua ko marupoan suatu rujuakan, gunoan tag rujuakan nan sasuai (<ref>)
Manandotangani laman artikel. Tandotangani laman anyo jikok Sanak maninggalan pasan ka pangguno lainnyo di laman rundiang artikel, atau di Warung Kopi. Jan manandotangani laman artikel!

Talampau bakalabiahan...

Kapitalisasi nan salah, saumpamo pado kato kaduo judua Musik tradisional nan aruihnyo manggunoan uruih ketek (bukan uruih gadang "T").
Wikifisasi nan bakalabiahan, saumpamo pado satiok kato sarupo ko. Gunoan panalaran dan anyo mancantuman pautan dalam (internal link) sacukuiknyo sajo.

Talampau serius...

Siap maju parang. Wikipedia picayo pado sistem mupakaik (konsensus) dan bukanlah tampaik ba'parang' atau baadu pandapek inggo bacakak bajadi-jadi. Gunoan etiket Wikipedia nan bana dalam manyuntiang.
Tampaik obrolan. Jan manggunoan Wikipedia untuak mambincangan hal-hal nan indak baubuangan jo Wikipedia.
Berang karano isi suatu artikel. Wikipedia bukanlah karya nan lah salasai. Wikipedia ka salalu manjadi karya nan sadang dalam proses. Muhun toleransinyo taadok artikel-artikel nan indak samparono, dan bantulah manyamparonon suatu artikel.

Akianyo, ciek hal nan paralu bana diingek-ingek:

“

Wikipedia bahaso Minangkabau bukan anyo untuak urang atau warga Indonesia sajo, malainan pulo untuak panutua bahaso Minangkabau dari saluruah dunia dan indak mancaliak etnis jo kawarganagaraannyo!

”

Caliak pulo