Kimia

Kimia adolah ilmu nan manaliti benda, ciri-ciri, struktur, komposisi, jo parubahan nan disabauk dek interaksi dangan benda lain (disabuik "reaksi kimia").

Aras manjadi gadang:
1. Aras makroskop – Benda
2. Aras molekul
3. Aras atom – Proton, neutron, jo elektron
4. Aras subatom – Elektron
5. Aras subatom – Quark
6. Aras string

Dalam reaksi kimia, ikatan antaro atom-atom ka pacah jo ka mambantuak substansi (bahan) baru dangan sipaik-sipaik nan babedo. Dalam tanur tinggi, basi oksida (formula: Fe2O3) nan direaksikan dangan karbon monoksida (CO) ka mambantuak basi (Fe) jo karbon dioksida (CO2).

Kimia (dari bahaso Arab: كيمياء, transliterasi: kimiya = parubahan benda/zat atau bahaso Yunani: χημεία, transliterasi: khemeia), adolah ilmu nan manaliti atau mangaji komposisi, struktur, jo sipaik zat atau materi, dari skala atom hinggo molekul sarato parubahan atau transformasi sarato interaksi materi-materi tasabuik dalam mambantuak materi nan ditamui satiok ari. Kimia juo mangaji pamahaman sipaik jo interaksi atom individu dangan batujuan untuak mampagunoan pangatahuan tasabuik pado tingkek makroskopik atau gadang. Manuruik kimia moderen, sipaik fisik materi umumnyo ditantuan dek struktur pado tingkek atau aras atom nan pado gilirannyo ditantuan dek gaya antaratom (dorongan atau tarikan nan ka manggarikkan benda lapeh (indak taikek) jo ikatan kimia.

Pandahuluan

Kimia acok disabuik sabagai "ilmu pusek" dek inyo mahubuangkan babagai ilmu lain, sarupo fisika, ilmu bahan, nanoteknologi, biologi, farmasi, kedokteran, bioinformatika, jo geologi . Hubuangan iko timbua malalui babagai subdisiplin nan mamakai konsep-konsep dari babagai disiplin ilmu. Sabagai contoh, kimia fisik basangkuik jo panggunoan prinsip-prinsip fisika taradok materi pado tingkek atom jo molekul.

Kimia punyo hubuangan jo interaksi materi nan dapek mangaik duo zat atau antaro materi jo energi, tarutamo dalam hubuangannyo jo hukum partamo termodinamika. Kimia tradisional takaik jo interaksi antaro zat kimia dalam reaksi kimia, nan maubah ciek atau labiah zat manjadi ciek atau labiah zat lain. Kadang-kadang reaksi iko digarikkan dek patimbangan entalpi, sarupo katiko duo zat baentalpi tinggi, sarupo hidrogen jo oksigen elemental (bantuak unsua) bareaksi mambantuak aie, zat jo entalpi labiah randah. Reaksi kimia dapek dipasilitasi jo suatu katalis, nan umumnyo marupoan zat kimia lain nan takaik dalam media reaksi tapi indak dipakai atau dikonsumsi (contoh adolah asam sulfat nan mangkatalisasi elektrolisis aie) atau fenomena non-materi (sarupo radiasi elektromagnet dalam reaksi fotokimia). Kimia tradisional juo mambuek analisis zat kimia, baik di dalam maupun di lua suatu reaksi, sarupo dalam spektroskopi.

Kasadonyo materi normal tadiri dari atom atau komponen-komponen subatom nan mambantuak atom; proton, elektron, jo neutron. Atom dapek dikombinasikan untuak mahasiakan materi dalam bantuak nan labiah kompleks sarupo ion, molekul, atau kristal. Struktur dunia nan kito jalani satiok ari jo sipaik materi nan mambuek interaksi jo kito ditantuan dek sipaik zat-zat kimia jo interaksi antaro mareka. Baja labiah kareh daripado basi dek atom-atomnyo takabek dalam struktur kristal nan labiah kaku. Kayu tabaka atau mangalami oksidasi capek dek inyo dapek mambuek reaksi sacaro spontan jo oksigen pado suatu reaksi kimia jikok barado di ateh suatu suhu tatantu.