Corsu (lingua)

Corsu Corsu
Parlada en:	Frans, Italia
Area:	Corse, Sardinia norde
Tota parlores:	200 000
Familia:	Linguas Romanica
State ofisial
Lingua ofisial de:
Regulada par:
Sifras
ISO 639-1:	co
ISO 639-2:	cos
ISO 639-3:	[1]
SIL:	[2]
Mapa
La areas do on parla lo
Vide ance: Lingua – Lista de linguas

Corsu es un lingua romanica parlada en Corse (en Frans) e en la norde de Sardinia (en Italia). Lo es relatada a la lingua italian, e spesial a sua ramo toscan. Corsu ia es, per un tempo longa, la lingua demotica de Corse, en cuando italian ia es la lingua ofisial ante 1859; a pos, franses ia recambia italian, par causa de la oteni de la isola par Frans de la Republica de Genoa en 1768. Tra la du sentenios seguente, la usa de franses ia crese tan multe ce, en cuando la Libri de Frans en 1945, cada corsus ave un sabe operante de franses. En la sentenio 20, on ave un desloca de lingua; corsus ia cambia sua praticas de lingua tan multe ce on no ave parlores monolingual de corsu ante fini de la desenio de 1960. Ante fini de 1995, sirca 65 persento de corsus ia ave alga grado de capasia en la lingua corsu, e un minoria peti de corsus, cisa 10 persento, ia usa la lingua corsu como un lingua xef. En la sentenio 21, lo es clasida como un lingua en peril de desapare ante la fini de la sentenio.

Orijina

La lingua corsu ia es influeda par linguas de la potias major interesada en consernas corsu; plu temprana par potias de Italia medieval: Toscana (828–1077), Pisa (1077–1282) e Genova (1282–1768), plu resenta par Frans (1768-oji), cual de 1789, ia promove la franses de Paris.

En 40 ec, la nativas de Corse no parla latina. La escluida roman, Seneca minor, ia reporta ce e la costa e la interna de la isola ia es abitada par nativas de ci parla un lingua ci Seneca no ia comprende. Cualce lingua ia es parlada es ancora vidable en la nomes de locas o en alga parolas, per esemplo en la dialeto galures parlada en Sardinia: zerru "porco"; esta es ance aplicable a Sarda e sisilian. La ocupa de la isola par la vandales en sirca la anio 469 ia marca la fini de influe autoriosa par parlores de latina. Si la nativas de acel tempo ia parla latina, los ia oteni lo en la impero tarda.

Gramatica

Articles de defini

	Masculine	Feminine
Singular	u (ant. lu)	a (ant. la)
Plural	i (ant. li)	i (ant. li)

Articles de nondefini

	Masculine	Feminine
Singular	unu	una

Pronomes de person

• eiu/eo
• tu
• ellu/ella/eddu/edda/iddu/idda
• noi
• voi
• elli/eddi/iddi

Pronomes e determinantes de posese

• meiu/meo/mo/me
• toiu/to
• soiu/so
• nostru
• vostru
• soiu/so

Pronomes e determinantes de mostra

• questu/quistu-questi/quisti (questo-questi)
• quessu/quissu-quessi/quissi (codesto-codesti)
• quellu/quiddu-quelli/quiddi (quello-quelli)