Benito Owusu Bio

Benito Owusu Bio

human

Sex or gender	male
Country of citizenship	Ghana
Name in native language	Benito Owusu-Bio
Given name	Benito, Owusu
Family name	Owusu
Date of birth	1 Sapal/Nwadispii nɛ ayi 1968
Place of birth	Atwima District
Native language	Asante
Languages spoken, written or signed	English
Occupation	general manager, politician
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Birmingham, Kwame Nkrumah University of Science and Technology
Member of political party	New Patriotic Party
Religion or worldview	Christianity

Benito Owusu Bio (November 1, 1968) anɛ onɛ gɔsid tam yɛla ka an Ghana pɔlitis nwɛ’ɛd. O anɛ Wadmaan tis Atwima-Nwabiagya constituency bɛ Ashanti Region, Ghana la sʋ’ʋlim dim. O paas Ghana Wadmaanib yikanɛ paasi anaasi anu ayuobʋ, ayɔpɔi nɛ anii Ghana Republic kanɛ paasi anaasi la ni. O paasnɛ Wabʋg Na’adɔɔg la ni.

On sin’iŋ si’em nɛ o sakur yɛla

Ba da du’a Owusu nɛ yʋʋm tusir, kɔbiswai nɛ pisyuobʋ nɛ anii Nwadis piinɛ yinne la. yiiga daar, November 1, 1968. O yinɛ Akropong, tenkanɛ bɛ Ashanti Region sʋ’ʋlim, Ghana. O da naae nɛ Kwame Nkrumah University of Science and Technology. O Bachelor of Science degree in Land Economy yi Yunivɛsiti la ni. O da maal degree lanɛ yʋʋm tusir, kɔbiswai nɛ piswai nɛ anaasi, 1994. O da lɛn keŋ University of Birmingham ya’as maal Masters in Sociology in Hospitality. O da di’e o kasɛta gbaʋŋ nɛ yʋʋm tusir, kɔbiswai nɛ piswai nɛ anii (1998).

Tʋʋma

Owusʋ da anɛ General manager Hotel Georgia Limited n bɛ Kumasi.

Pɔlitiks tʋʋma

Owusu paasnɛ Wabʋg Na’adɔɔg la ni, New Patriotic Party. O da lieb Wadmaanɛ yʋʋm tusa ayi nɛ anu yʋʋmpaal Nwadig la ni (January 2005) on da di yʋʋm tusa ayi nɛ anaasi Nwadis piinɛ ayi vɔɔtʋg la (December 2004) nya’aŋ. din yi sankan o keŋ Wadmaanib yin la nɔɔra anaasi nwa tuunl taaba. O anɛ Wadmaani tis Atwima-Nwabiagya North constituency sʋ’ʋlim dim. Ba da vɔɔt o ka o keŋ Wadmaanib yikanɛ paasi anaasi, anu, ayuobʋ nɛ ayɔpɔi la Ghana Republic kanɛ paasi anaasi la ni. O da paas la’askanɛ gɔsid Roads and Transport nɛ Public Accounts Committee Wadmaanib yikanɛ paasi ayɔpɔi la ni (7th Parliament). On da bɛ Wadmaanib yin la, ba da gaŋ o ye o an Deputy Minister of Lands and Natural Resources.

Vɔɔtʋg

Ba da vɔɔti Owusu-Bio ka o lieb Wadmaani tis Atwima-Nwabiagya North constituency bɛ Ashanti Region, Ghana sʋ’ʋlim la dim yiiga nɛ yiiga nɛ yʋʋm tusa ayi nɛ anaasi Ghana wʋsa vɔɔtʋg la ni, (2004 Ghanaian general elections). O da zi’enɛ Wabʋg Na’adɔɔg zug. O sʋ’ʋlim la da paas sʋ’ʋlimnam pistan nɛ ayuobʋ banɛ ka Wabʋg Na’adɔɔg la da di yi sʋ’ʋlimnam pistan nɛ awai n bɛɛ Ashanti Region la. Wabʋg Na’adɔɔg la da di kʋgʋs bɛdigʋ, kɔbiga nɛ pisi nɛ anii (128) yi kɔbisyi’ nɛ pistan (230) pʋʋgin. O da paam vɔɔt utsa pisnu nɛ ayɔpɔi, kɔbistan nɛ pistan nɛ ayɔpɔi (56,337) yi vɔɔt tusa pisyɔpɔi, kɔbisyi’ nɛ pisnu nɛ ayi (70,252) pʋʋgin, dinɛ an pisnii du’ali ayi kɔbiga pʋʋgin (80.2%). Ba da vɔɔt o ka bas Ebenezer Obu Tette onɛ da an Peoples’ National Convention nid, Nana Appia Manu Ma’asim tiig Na’adɔɔg National Democratic Congress nid, Munni Issah onɛ an Convention People's Party nid nɛ Ben Owusu Boadu onɛ an Every Ghanaian Living Everywhere Na’adɔɔg nid. Bama wʋsa da paamnɛ yinne kɔbiga pʋʋgin, (1.0%) piinɛ ayɔpɔi du’al yinne kɔbiga pʋʋgin (17.1%), yinne du’ali anu kɔbiga pʋʋgin (1.5%) nɛ nɛɛm du’ali atan kɔbiga pʋʋgin (0.3%) ba yʋda la dɔl taaba si’em la.

Yʋʋm tusa ayi nɛ anii la ni, 2008, o da lɛn dɔlisi Wabʋg Na’adɔɔg la, New Patriotic Party ka ba vɔɔti tis o sʋ’ʋlim kan ya’as. O sʋ’ʋlim la da paas sʋ’ʋlimnam pistan nɛ anaasi banɛ ka Wabʋg Na’adɔɔg da di yi sʋ’ʋlimnam pistan nɛ awai n bɛɛ Ashanti Region la. Wbʋg Na’adɔɔg la da di kʋgʋs bi’ela, kɔbiga nɛawai (109) yi kɔbisyi’ nɛ pistan (230) pʋʋgin.   O da paam vɔɔt tusa pisnaasi nɛ ayuobʋ, kɔbisyubʋ nɛ anu (46,605) yi vɔɔtnam tusa pisyɔpɔi nɛ ayi, kɔbiswai nɛ pisyɔpoi nɛ atan (72,973) dinɛ an pisyuobʋ nɛ atan du’al pisnii nɛ ayɔpɔi Kɔbiga pʋʋgin (63.87%). Ba da vɔɔt o ka bas Chogkureh Christopher onɛ an Ma’asimtiig Na’adɔɔg, National Democratic Congress nid, Yaw Frimpong and independent party. Kɔbiga pʋʋgin ba da paamnɛ piinɛ ayɔpɔi du’al ayɔpɔi (17.07%) nɛ piinɛ awai du’al ayuobʋ (19.06%).

Yʋʋm tusa ayi nɛ piinɛ ayi la ni, 2012, o da lɛn zi’en Wabʋg Na’adɔɔg zug, ka ba vɔɔti tis o ya’as sʋ’ʋlim kan nɔɔ ni. O da paam vɔɔt tusa pisi nɛ ayɔpɔi, kɔbisnaasi nɛ pisnu nɛ ayuobʋ (27,456) yi vɔɔ tusa pisnaasi nɛ anu, kɔbisnii nɛ pisnaasi nɛ awai (45,849) dinɛ zɛm nɛ  pisnu nɛ awai du’al pisnii nɛ anii kɔbiga pʋʋgin (59.88%) . ba da vɔɔt o ka bas Anthony Bernard Ansah onɛ an Ma’asim tiig Na’adɔɔg, National Democratic Congress nid, Kwadwo Amponsah onɛ an Progressive People's Party nɛ Dickson Osei-Asibey onɛ pʋ mɔr Na’adɔɔgɔ. Kɔbiga pʋʋgin bama da paamnɛ piinɛ anii du’ali ayi (18.2%), nɛɛm du’al pisnii nɛ anaasi (0.84%) nɛ pisi nɛ yinne du’ali anii (21.08%) ba yʋda la tun taaba si’em la. Benito da lɛn di yʋʋm tusa ayi nɛ piinɛ ayuobʋ (2016) nɛ yʋʋm tusa ayi nɛ pisi (2020) vɔɔtʋg keŋ Wadmaanib yikanɛ paasi ayɔpɔi nɛ anii la Gaana Republic kanɛ paasi anaasi la ni.

Mɛŋ bɛlim

Owusu-Bio anɛ Kristo biig ka ken Anglican church. O mɔr pʋ’a nɛ biisi atan.