Canberra

Canberra

Nagara	Australia
Praja	Australian Capital Territory
Dina Madeg	12 Maret 1913
Jembar wewengkon	805,6 km2
Padunung	325.056 (Sensus 2006)
- Kapadhetan	137,8/km2
Basa	Basa Inggris
Zona	AEST(UTC+10) AEDT (UTC+11)

Canberra iku kutha krajan Australia kang dumunung ing Australian Capital Territory, 300 km sisih kulon-kidul Sydney lan 650 km wétan-lor Melbourne. Panggonan ing anatarané loro kutha gedhé ing Australia iku dipilih taun 1908 minangka kompromi awit anané persaingan antara Melbourne lan Sydney kanggo dadi ibukuthta. Kutha iki dirancang déning arsitèk Chicago, Walter Burley Griffin, lan peyasaan diwiwiti taun 1913.

Kanthi sing ndunungi kang cacahé watara 339.000, Canberra dadi kutha krajan gedhé dhéwé kapitu ing Australia lan kutha ing laladan pedalaman kang gedhé dhéwé. Minangka punjer papréntahan, ing Canberra dumunung Gedung Parlemèn lan warna-warna kantor dhépartemèn. Sanadyan mangkono, punjer ékonomi isih ana ing kutha Sydney lan Melbourne.

Dhémografi

Reca wedhus gibas ing kutha Canberra

Ing taun 2003, sing ndunungi Canberra gunggungé ana 323.004 jiwa kanthi kapadhetan 401 jiwa/km², kagolong padhet dibandingaké karo kutha-kutha liyané ing Australia. Sensus taun 2001 nuduhaké yèn 1,2% sing ndunungi Canberra iku wong-wong Aborijin, déné 21,6% imigran kang lair ing sanjabané Australia. Golongan pendhatang gedhé dhéwé ya iku saka nagara-nagara abasa Inggris, kang paling akèh Karajan Manunggal lan Niu Selan. Imigran-imigran liya uga teka saka Jerman, Sekotlan, Itali, lan Vietnam.

Padunung Canberra akèh-akèhé isih enom lan duwé pendhidhikan. Umur rata-rata sing ndunungi ya iku 32 taun lan sing ndunungi kang umur sakdhuwuré 65 taun cacahé 8,3%. Basa ibu kang paling umum ya iku basa Inggris nanging panggunaan basa liyané kaya basa Tionghoa, Itali, lan Kroasia uga lajim dipigunakaké.

Pranala njaba

• Situs resmi Archived 2005-05-21 at the Wayback Machine.