The Relapse

The Relapse, or, Virtue in Danger (Li Recadida, o Chastitá in Dangere), es un Comedie del Restauration de 1696 per John Vanbrugh, un ovre continuativ al notori drama de Colley Cibber Love's Last Shift, or, Virtue Rewarded (Li Ultim Tric de Amore, o, Chastitá Recompensat). In Li Ultim Tric de Amore, un libervivent libertino del Restauration veni a repententie e reforme per li ruses de su marita, ma in Li Recadida, li libertino resuccumbe a tentation e have un nov amorette. Su virtuosi marita anc experi un provat seduction e resiste penosimen.

Vanbrugh basat li carácteres in The Relapse sur particular actores che li Teatre Reyal, Drury Lane, scrient in li textu lor teatral hábitus, public reputationes, e personal relationes. Un tal actor esset Colley Cibber self, qui rolat quam li dandy Lord Foppington in e Love's Last Shift e The Relapse. Tamen li artistic intentiones de Vanbrugh esset menaciat per un savagi lucte ínter li du teatre-companies de London, chascun "lurant" actores del altri. The Relapse presce ne esset presentat, ma li successosi presentation in Novembre 1696 vindicat li intentiones de Vanbrugh, ultra salvar li companie de bancrotte.

Love's Last Shift nequande denov esset presentat pos li 1690s, ma The Relapse ha retenet su popularitá. In li 18mi secul, tamen, su tolerantie por factic e provat adultérie gradualmen devenit ínacceptabile al public opinion, e durante un secul li original drama esset remplazzati in teatres per li moralisat version de Richard Brinsley Sheridan, A Trip to Scarborough (Un Excursion a Scarborough, 1777). Sur li modern estrade, The Relapse ha esset etablisset quam un del max populari comedies del Restauration, pro li humor simpli de Vanbrugh e li perfect rol de Lord Foppington, un burlesc caráctere con un látere sinistri.

Referenties

(omnes in anglés)

Cibber, Colley (primmen publicat 1740, red. Robert Lowe, 1889). An Apology for the Life of Colley Cibber, vol.1, vol 2. London.
Faller, Lincoln B. (1974–75). "Between jest and earnest: the comedy of Sir John Vanbrugh". Modern Philology 72, 17—29.
Gildon, Charles (1699). The Lives and Characters of the English Dramatic Poets. London.
Harris, Bernard (1971). Introduction to The Relapse. London: New Mermaids, Ernest Benn.
Holland, Peter (1979). The Ornament of Action: Text and Performance in Restoration Comedy. Cambridge: Cambridge University Press.
Hume, Robert D. (1976). The Development of English Drama in the Late Seventeenth Century. Oxford: Clarendon Press.
Milhous, Judith (1979). Thomas Betterton and the Management of Lincoln's Inn Fields 1695–1708. Carbondale, Illinois: Southern Illinois University Press.
Van Lennep, William (ed.) (1965). The London Stage 1660—1800: A Calendar of Plays, Entertainments and Afterpieces Together with Casts, Box-Receipts and Contemporary Comment Compiled from the Playbills, Newspapers and Theatrical Diaries of the Period, Part 1: 1660–1700. Carbondale, Illinois: Southern Illinois University Press.