آلفردؤ جیمز پاچينؤ (ايتاليايي: Alfredo James Pacino) آمريکايي بازيگر ؤ فيلم چاکۊنا هيسه. اۊن خۊ پئنج دهه کۊنۊش ٚ مئن پۊر جایزه هیته؛ من جۊمله یته اؤسکار ٚ جایزه، دۊ ته تؤني ؤ دۊته اِمي. اي جایزه‌ئن، اۊن-ه اۊ کمتر بازيگرؤن ٚ جرگه مئن قرار دنه گه بؤتۊنسن اي سۊته جایزه-أ کسب بؤنن. پاچينؤ هيته‌أني جوایزي، «آمريکا ٚ فيلم ٚ بنیاد ٚ یته عۊمر هۊنري دستاورد»، «سیسيل بي دمیل» ؤ «هۊنر ٚ مللي نشؤن» ٚ مۊسؤن-ه ني دريافت بؤده.
آل پاچينؤ تؤرنتؤ فئلم ٚ جشنواره مئن، ۲۰۱۴
پاچينؤ، اچ‌بي استؤديؤ ؤ أکترز استؤديؤ مئن، متؤد بازيگري-ئه چارلي لاتن ؤ لي استراسبرگ ٚ دس ٚ جير بيأمۊته. اۊن ۲۹ سالگي مئن یته مۊختصر نخش ٚ همرأ ناتالي ؤ مۊ (۱۹۶۹) فيلم ٚ مئن خۊ أولي بۊلند ٚ فيلم-ه بازي بؤگۊد. پاچينؤ بازي، برمسئن نيدل ٚ پارک ٚ مئن (۱۹۷۲) ٚ فيلم ٚ مئن گه اۊن ٚ أولي أصلي نخش بؤ، خؤجير بؤر استقبال ٚ مؤرد قرار بگيت. اۊن گادفادر (۱۹۷۲) فيلم ٚ مئن، فرانسيس فؤرد کاپؤلا کارگردؤني همرأ، مایکل کؤرلئؤنه ٚ نخش-ه خئلي خۊب بازي بؤگۊد ؤ اۊن ٚ پسي ويشتر شنأته ؤ تحسين بؤبؤ. پاچينؤ اي نخش ٚ بازي گۊدن ٚ دؤني أولي مرته ره اؤسکار ٚ جایزه وأسي نؤمزت بؤبؤ ؤ گادفادر: دۊوؤمي واوين (۱۹۷۴) ؤ گادفادر: سۊوؤمي واوين (۱۹۹۰) ٚ فيلمؤن ٚ مئن ني بازي بؤگۊد.
آلفردؤ جیمز پاچينؤ ۱۹۴۰ آوريل ۲۵ مئن، نيۊیؤرک ٚ خۊرتاوي هارلم ٚ مئن دۊنیا بأمؤ. اۊن ٚ پئر ٚ نام سالواتؤره پاچينؤ بۊ کي ايتاليا سيسيل ٚ سان فراتلؤ شأر ٚ جه بأمؤبۊ آمريکا ؤ اۊن ٚ مار رؤز جراردي ني ايتاليا سيسيل ٚ کؤرلئؤنه شين بۊ. آلفردؤ پئر ؤ مار اۊ زمات کي اۊن دۊ سال ويشتر نأشتي جۊدا بؤبؤستد ؤ آلفردؤ خۊ مار ٚ أمرأ بۊشؤ کي خۊ مار ٚ پئر ؤ مار أمرأ کي اۊشان ٚ نام جیمز ؤ کیت بۊ بزيوه. اۊن ٚ پئر ني بۊشؤ کاليفؤرنيا کؤوينا شأر ٚ مئن ؤ اۊیه بيمه فرۊشنده ؤ بأزين ني رستۊران‌داري کۊدي.
پاچينؤ ريفئقان نؤأورنايي زمات، ساني نام ٚ أمرأ اۊن-أ دۊخاديد. پاچينؤ ناجه دأشتي کي بيس‌بال ٚ بازيکۊن ببه ولي پاچينؤ ريفئقان اۊن-أ بازيگر ٚ لقب بدأبۊد.
پاچينؤ هرمن ريدر جۊنيؤر ٚ دبيرستان ٚ مئن درس خاندي ولي ويشتر تنئا اينگيليسي کلاسان ٚ مئن حۊضۊر یافتي. اۊن نيۊیؤرک ٚ نمایشي هۊنران ٚ دبيرستان ٚ مئن تست بدأ ؤ قبۊل-أ بؤسته ؤ بأزين ني تصميم بيگيته کي خۊ تحصيل-أ اۊیه ايدامه بدنه. آلفردؤ مار أ تصميم ٚ أمرأ مۊخالف بۊ ؤ بعد ٚ أنکي آلفردؤ أمرأ هأ مؤضۊع ٚ وأسي دعوا بيگيته، خانه-یه ترک-أ کۊده ؤ دئه وانگردسته.
پاچينؤ تصميم بيگيته بازيگري کلاسان ٚ مئن شرکت بۊکۊنه ولي اۊن ٚ هزينه تأمين گۊدن ٚ مئن مشکل دأشتي، هأن ٚ وأسي تصميم بيگيته کي مۊختلف شؤغلان ٚ مئن کار بۊکۊنه؛ جه نامه بؤری، رستۊران ٚ نيظافت گۊدن، پؤست ٚ دفتر ٚ مسئۊل ؤ خانه برپايي. اۊن هأتؤني ايته دؤره کامنتري مجله دفتر ٚ مئن کار گۊدي ؤ ...دۊمباله
.jpg)
