Linus Torvalds

Linus Benedict Torvalds (nado en Helsinqui o 28 de decembro de 1969), enxeñeiro de sistemas finlandés, coñecido principalmente por desenvolver a primeira versión do núcleo (kernel) do sistema operativo Linux.

O software é coma o sexo: cando é de balde é mellor.
Non dubido nin o máis mínimo que a virtualización sexa útil nalgunha áreas. O que dubido é que algunha vez teña o tipo de impacto que a xente que anda tras a virtualización quere que teña.
Se compila, é bo, se se inicia, é perfecto.
Un infinito número de monos escribindo no Emacs de GNU endexamais farían un bo programa.
En resumo: dille "non ás drogas" e ao mellor non acabas coma a xente de Hurd.

Most good programmers do programming not because they expect to get paid or get adulation by the public, but because it is fun to program.
- A meirande parte dos programadores programan non porque esperen que lles paguen ou facerse famosos, senón porque o pasan ben facéndoo.

Mira, non só tes que ser un bo programador para crear un sistema coma Linux, tamén tes que ser un cabrón escorregadizo.
A filosofía de Linux é "Ri na cara do perigo". Ai, non. "Faino ti mesmo". Si, iso é.
Algunhas persoas dixéronme que non cren que un pingüín gordo encarne o espírito de Linux, o que me indica que nunca viron un pingüín anoxado correndo cara eles a máis de 160 quilómetros por hora.
Agora moitos de vós estaredes aborrecidos pensando no día de Nadal, e aquí teño a distración perfecta. Proba 2.6.15-rc7. Todas as tendas estarán pechadas, e realmente non haberá nada mellor que facer entre as comidas do día.
Persoalmente recoméndolle encarecidamente á xente cambiarse a KDE. Esa mentalidade "os usuarios son parvos e confúndelles a funcionalidade" de GNOME é unha enfermidade. Se pensas que os usuarios son parvos, só os parvos o usarán. Non uso GNOME, porque trata de ser simple, e xa choveu dende que o simple non me abonda para facer o que quero. Por favor, dille á xente que use KDE^[1].

Microsoft non é o demo, simplemente fan sistemas operativos trapalleiros.
Cando dis "escribín un programa que fixo que Windows se colgase", a xente fica mirando para ti pálida e din "Eh! A min viñéronme coa computadora e de balde".
En serio, non pretendo destruír Microsoft. Iso vai ser só un dano colateral non intencionado^[2].

A intelixencia é a habilidade de evitar facer traballo, e conseguir que o traballo se faga.
O meu nome é Linus, e eu son o teu Deus.

Referencias