Wikipedia:Como doar materiais

A doazón de imaxes, documentos e calquera outro tipo de arquivos é a única solución para incorporar á Wikipedia materiais que están suxeitos a dereitos de autor.

A doazón é un procedemento sinxelo, tan só hai que enviar un correo electrónico, pero deben terse en conta os seguintes elementos esenciais:

• O doante debe ter todos os dereitos sobre o material. Non se pode doar un material que non é dun. Tampouco se pode doar un material que foi propiedade dun, pero que posteriormente foi cedido parcial ou totalmente a outro xestor.
• O doante, ou os intermediarios que sexan necesarios, deben comunicarlle esa doazón ao OTRS, a estrutura que se encarga de xestionar os correos recibidos pola Fundación Wikimedia e que é tamén responsable de atender á xestión dos permisos e doazóns. É recomendable tamén que se xunte o correo enviado inicialmente dende a Galipedia ao autor solicitando a doazón, se é que este existe.
• Nese correo de cesión debe quedar claro, de forma inequívoca, que é o autor e propietario de todos os dereitos, e mais a licenza específica á que se quere acoller. Frases como "permiso para a Wikipedia" ou "poden reusar o material", etc. non son licenzas aceptables.
• Son campos imprescindibles dese correo: obra en concreto, licenza escollida, data e titular dos dereitos.

Envío do correo

O correo ten que enviarse a:

• permissions@wikimedia.org

Véxase tamén

Outros artigos

• OTRS na Wikimedia Commons
• Modelo de mensaxe na Wikimedia Commons, este modelo de correo electrónico serve para que o autor dunha obra ceda os seus dereitos cunha licenza libre