Wikilibros

Galilibros (Wikilibros)
Ano de creación	2003
En servizo desde	Proporcionar libros e manuais na web
Tipo	Páxina wiki
Estado	Activa
Rexistrador	Jimmy Wales e a Fundación Wikimedia
Web	https://gl.wikibooks.org/wiki/
	[ editar datos en Wikidata ]

Wikilibros (Wikibooks en inglés, tamén chamado Galilibros na versión en lingua galega) é un proxecto irmán de Wikipedia e parte da Fundación Wikimedia, que empezou o 10 de xullo de 2003. O proxecto é unha colección de libros de texto, manuais e outros textos pedagóxicos de contido libre, que se escriben e editan colaborativamente do mesmo xeito que Wikipedia.

O sitio traballa con tecnoloxía wiki, o que significa que cada usuario pode colaborar na escritura de calquera libro, facendo clic no enlace «Editar» que hai en cada páxina.^[1]

O proxecto foi aberto en resposta ao wikipedista Karl Wick, que quería un lugar onde empezar a construír libros de contido aberto, como os de química orgánica e física para reducir o custo de comprar un mesmo materiais de estudo. Foi un dos fundadores do proxecto.^[2]

Algúns dos primeiros libros foron creados e outros empezaron a ser copiados doutras fontes de libros de contido aberto en Internet.

Todo o contido do sitio está baixo a Licenza Creative Commons Atribución/Compartir-Igual. Debido a iso, do mesmo xeito que en Wikipedia, o contido pódese redistribuír mantendo a licenza e a atribución aos autores orixinais.

Nome

Artigo principal: Galipedia#Historia.

Oficialmente o proxecto chámase Wikilibros; mais, na versión galega, chamámolo Galilibros (igual que con Galipedia e os proxectos similares). No dominio aparece "wikibooks" porque os dominios das páxinas de Wikimedia non se traducen.

Alcance

A comunidade de Galilibros traballa en moitos libros de texto en diferentes linguas e a distintos niveis educativos, desde primaria até niveis universitarios. No 2020, Galilibros conta con 1150 páxinas de contido.

Galilibros está dispoñible en múltiples idiomas. No 2011, todos os idiomas acumulaban 141 000 páxinas.^[3]

Proxectos relacionados

Wikiversidad foi inicialmente un subproxecto de Galilibros, pero agora é un proxecto independente co seu propio dominio, dedicado a proxectos de aprendizaxe e materiais de estudo.

Wikisource tamén é un repositorio de libros, pero almacena copias exactas de libros de distribución libre (por exemplo, libros clásicos que xa están no dominio público ou libros actuais liberados mediante licenza Commons). A diferenza de Wikisource, os libros en Galilibros son unicamente libros pedagóxicos e estanse editando e actualizando constantemente.

Notas

↑ "Definición de Wiki na RAG". Real Academia Galega.
↑ "Harl Wick". Wikidata (en inglés).
↑ "Lista de Wikibooks de Wikimedia". Meta (en inglés).

Véxase tamén

Ligazóns externas

[1] "Definición de Wiki na RAG". Real Academia Galega.

[2] "Harl Wick". Wikidata (en inglés).

[3] "Lista de Wikibooks de Wikimedia". Meta (en inglés).

[1]

[2]

[3]