Vichipedie:Aministradôrs
I Aministradôrs a son utents regjistrâts inte Vichipedie che 'nd àn particolârs dirits ("sysop rights"). Le politiche curinte de Vichipedie e je di dâ chest acès liberamentri a ducj chei che a son stâts contribuents de Vichipedie par un pôc e che a son utents cognossûts e fidâts de comunitât. Fevelant in gjenerâl, in pratiche al è un pôc pi dificil deventâ aministradôrs. Purpûr, diviers aministradôrs a son creâts ogni setemane.
"Chest a no dovares jessi une grande robe" come Jimbo Wales, fondâtor dap progjet Wikipedia, a 'nd à dit.
I aministradôrs no 'nd an une speciâl autoritât garantide, e a son compagns a ducj chei altris pes responsabilitâts editoriâls. Cualchi utent de Vichipedie e considere i tiermins "Sysop" e "Aministradôr" come sinonim di delators, che fasin dome il non dai utents che rindin ben e che samein personis siguris e simpatichis e che par chest ind' an vantaçs e funzions in plui. Purpûr si dovares capî che i aministradôrs no 'nd an un particolâr podè sui altris utents fûr che chel di meti in opere lis decisions cjapadis dai utents.
La comunitât e cjale ai aministradôrs par chei lavôrs essenziâls che e àn bisugne dal acès extra che i aministradôrs 'nd àn. Chestis personis a'nd àn di cjalâ lis discussion dai vôts pes eliminazions e mei in at lis decisions cjapadis, di tignî o eliminâ chescj articui, tignî ancje di voli i articui gnûfs o gambiâts par intervignî daurman in câs di vandalisims evidents, e ancje rispuindi ai utents che'nd àn bisugne di une man di cualchidun che vedi acès aministratîf. I utents si spietin che i aministradôrs a sedin membris esperts de comunitât, e par chest spes i utents che'nd àn bisugne di alc a ricoraran ai aministradôrs par conseis e informazions.
Alore, cuale ise la cuestion?
[modifiche il codiç]Il software Wiki al à un dôs funzions impuartantis che a son protezudis. Di chestis funzions, i aministradôrs a àn acès aes seguintis.
Pagjinis protezudis
[modifiche il codiç]- Modificâ diretementri la Pagjine principâl, e lis altris pagjinis protezudis. Par informazions e aiût, cjale Vichipedie:Modificâ la pagjine principâl. Tu puedis dâ conseis sui cambiaments su Discussion:Main Page. La pagjine principâl e jere il bersai di une vore di vandalisims; par chest, o vin scugnût adotâ chest compromès par tignî libare la pagjine di benvignût de robis fastidiosis.
- Protezi e gjavâ la protezion a lis pagjinis. Lis pagjinis a son protezudis dome in circostancis raris - par informazions e aiût cjale Vichipedie:Politiche di protezion.
Eliminâ e ripristinâ
[modifiche il codiç]- Eliminâ lis pagjinis e il lôr storic. Par informazions e liniis guide, cjale Vichipedie:Politiche di eliminazion e (plui completementri) Vichipedie:Liniis guide pes eliminazion pai aministradôrs. Par sugjerî l'eliminazion di une pagjine (daspò vê let lis pagjinis su la politiche e lis liniis guide!), cjale Vichipedie:Vôts par l'eliminazion des pagjinis. Ogni tant, l'eliminazion e je une cuestion tecniche, par esempli cuant che si scugne eliminâ une pagjine di redirezion gambiant il non a un articul, o une pagjine cul storic dut a tocs e à di jessi eliminade e i tocuts tornâts a meti dongje. Ogni tant invezit, e je dome une cuestion di netâ fûr modifichis sbaliadis, cence un significât, o di gjavâ materiâl che al è stât copiât di un altri sît e che nol rispiete il copyright.
- Cjalâ e ripristinâ lis pagjinis eliminadis e il lôr storic. Cjale Vichipedie:Ripristinâ par informazions e liniis guide. Par votâ su le decision za cjapade di eliminâ une pagjine, cjale Vichipedie:Vôts par l'eliminazion des pagjinis
- Eliminâ par simpri une figure. Une volte che une figure e je stade eliminade, no si pues plui tornâ indaûr. Par informazions e aiût, cjale Vichipedie:Politiche par lis figuris.
Par sugjerî une figure di eliminâ (daspò vê let la politiche su lis figuris), cjale Vichipedie:Figuris di eliminâ. Se tu vuelis ripristinâ une figure eliminade, tu âs di vê une copie (se no no si pues ripristinâle), dopo cjale Vichipedie:Vôts par l'anulament de eliminazion. Note che no je une reson particolâr parcè che lis figuris no puedin jessi ripristinadis: chest al è dome il mût di vore dal software al dì di vuê.
Anulament des modifichis
[modifiche il codiç]- Anulament veloç de modifichis des pagjinis. Ducj i utents (jentrâts cul lôr sorenon o no) a puedin tornâ a une version precedente di une pagjine.
I aministradôrs àn un imprest plui automatic e veloç par anulâ lis modifichis fatis di utents anonims. Cjalant i contribûts di un utent, un leam al sarà cussì: [rollback] – al comparirà dongje aes modifichis che a son in alt tal storic des modifichis. Fracant su chest leam al fasarà tornâ la pagjine ae ultime modifiche che no je di chel utent, cun somari de modifiche (Tornât a puartâ X ae ultime version di Y) e la segnalarà come une piçule modifiche. Di pôc timp, i aministradôrs a puedin ancje tornâ imburît a une version precedente cuant che a cjalin lis diferencis.
Aplicazion de decisions dal Comitât di arbitri
[modifiche il codiç]I aministradôrs a'nd àn l'autoritât di meti in opare lis decisions dal Comitât di arbitri.
Cjale: Vichipedie:Richiestis di arbitri/Aplicazion di une decision
Platâ i vandalisims intai Ultins cambiaments
[modifiche il codiç]- Sysops puedin platâ i vandalisims dai Ultins cambiaments. Par fâlu, zonte &bot=1 a le de URL doprade par acedi ai contribûts di un utent. Par esempli,
http://fur.wikipedia.org/w/wiki.phtml?title=Special:Contributions&target=Michael&bot=1. Cuant che tu seguissis chescj leams inte liste dai contribûts, la modifiche origjinâl e l'anulament a saran platadis inte visualizazion predeterminade dai Ultins cambiaments (chest parcè che chestis modifichis a son segnadis come fatis di un "bot", e no implenâ i Ultins cambiaments cun chestis modifichis). Duncje a saran platadis se no si frache sul leam "bots" che al impueste la variabil hidebots=0. Lis modifichis no son platadis inte liste dai contribûts, tal storic de pagjine o te pagjine par tignî di voli un articul. Lis modifichis a restin inte base di dâts e no son gjavadis, ma no son pi mostradis intai Ultins Cambiaments. Cheste funzion e je par combati il vandalisim in grant stîl, e no dovarès jessi doprade par anulâ lis modifichis che semplicementri no ti plasin.
Meti e gjavâ blocs
[modifiche il codiç]- Blocâ recapits IP, ranges IP, e accounts dai utents par un timp determinât o par simpri.
- Gjavâ i blocs a recapits IP, ranges IP, e accounts dai utents.
- Cjale Vichipedie:Politiche di bloc par plui informazions su cuant un bloc al è apropriât e cuant no. Cjale Speciâl:Ipblocklist par i recapits e i nôns utents atualmentri blocâts.
Queries inte base di dâts
[modifiche il codiç]- Cuant che Speciâl:asksql al è atîf, i sysops a puedin eseguî queries di sole leture inte base di dâts. Cuant che nol è atîf, o se no tu sês un espert dal lengaç SQL, o no tu sês nancje un sysop,
tu puedis domandâ l'esecuzion di une query in Vichipedie:Richiestis di query SQL. Se i utents a vuelin queries che a puedin durâ pi di 30 seconts, dovaressin discjamâ la copie di backup e la base di dâts MySQL e daspò eseguî la query sul lôr ordenadôr. Vichipedie:Queries inte base di dâts racomande di no lançâ query che a cjaparessin plui di dîs seconts.
Design e traduzion dal aspiet grafic
[modifiche il codiç]- Dal 6 di Dicembar 2003, i sysops a puedin gambiâ il test de interface modificant lis pagjinis intal MediaWiki namespace.
Chest al comprent i tescj al inizi des pagjinis, par esempli "Special:Whatlinkshere" e la pagjine che un utent blocât a viodarà cuant che a provarà a modificâ une pagjine (MediaWiki:Blockedtext).
- Dal 3 di Zuin 2004, i sysops a puedin modificâ il stîl de interface cambiant CSS dal sfuei di stîl monobook in MediaWiki:Monobook.css.
Deventâ un aministradôr
[modifiche il codiç]Se tu vuelis vê un acès sysop zonte il to non a Vichipedie:Elezion aministradôrs seguint lis liniis guide presentadis ca parsore, e a scomençarà une votazion a cui puedin cjapâ part ducj i editôrs de Vichipedie che a decidarà se tu puedis deventâ un aministradôr
Al è racomandât che tu scrivis pe Vichipedie par un pôc prime di domandâ di deventâ un aministradôr, parcè che i altris utents a varan di imparâ a cognossiti prime di dâti il lôr vôt.
Stâ atent, par plasê! Se tu deventis un aministradôr, ti domandin di doprâ cun atenzion chestis funzions, specialmentri la pussibilitât di eliminâ lis pagjinis e il lôr storic, chê di eliminâ lis figuris (no si pues tornâ indaûr!), e la funzion par blocâ recapits IP. Tu puedis capî lis tôs gnovis abilitâts inte pagjine Vichipedie:Guide pai aministradôrs.
Altris gjenars di acès
[modifiche il codiç]Dongje ai aministradôrs a son une serie di altris gjenar di utents identificâts, che a son presentâts ca sot in ordin assendent rispiet al podè che a àn. (I aministradôrs, clarementri, a vegnin daspò dai utents jentrâts.)
Utents jentrâts
[modifiche il codiç]Utents cun un acès normâl, e ancje i visitadôrs che no son jentrâts cun tun non utent, a puedin fâ purpûr gran part de robis, includude le plui impuartante: modificâ i articui e dâ une man cui Compits di mantigniment de Vichipedie.
Ma dome i utents jentrâts cul lôr non a puedin cjamâ su files o gambiâ non a lis pagjinis; cjale Speciâl:Userlogin pe jentrade.
Burocrats
[modifiche il codiç]Utents cul stât di "burocrat" a puedin trasformâ altris utents in sysops (ma no gjavâ il stât di sysop). I burocrats a son creâts da altris burocrats sui progjets dulà che a esistin, o da stewards in chei che no'nd àn ancjemò nissun burocrat. I cambiament di sysop a son regjistrâts in Speciâl:Log/rights Vichipedie:Log dai burocrats. I cambiament di sysop da part dai stewards a son regijstrâts in Meta:Special:Log/rights ma i pôcs stewards che a dan ativementri dirits di sysop ai utents inte Vichipedie par inglês lu fasin doprant il lôr stât di burocrats locâi, cussì che cheste distinzion e je pitost academiche.
Stewards
[modifiche il codiç]Utents cul stât di "steward" a puedin gambiâ il gjenar di acès di ogni utent di cualsisei progjet di Vichipedie. Chest al inclût dâ e gjavâ acès sysop, e marcâ cierts utents come bots. Lis lôr azions a son regjistradis intal Meta:Bureaucrat log. La richieste di assistence a un steward a pues jessi fate su m:requests for permissions. In gjenar, chescj utents a no fasaran robis che a puedin jessi fatis dai burocrats locâi.
Svilupadôrs
[modifiche il codiç]Il nivel pi alt di acès tecnic (in pratiche al è un grup di nivei, ma la diference tra di lôr no son verementri visibilis pai utents) al è chel di "Svilupadôr", destinât a chei che a puedin fâ cambiaments diretementri al Software de Vichipediee ale base di dâts. Cheste int no fâs lis funzions aministrativis, fûr che controlâ i sock puppe e tornâ a assegnâ modifichis ai utents. Tu puedis contatâ chescj utents vie le mailing list Wikitech-L. Cjale m:Developer par une liste dai svilupadôrs e par altris informazions.
Abûs dai aministradôrs
[modifiche il codiç]Un aministradôr al pues jessi degradât se al abuse dal sô podê. Al moment, i aministradôrs a puedin jessi gjavâts o par decrêt di Jimbo Wales o par decision dal Comitât di arbitri. Chestis autoritâts a puedin ancje decretâ cjastiis pi piçui pai aministradôrs problematics, par esempli la restrizion dal ûs di ciertis funzions. L'abilitât tecniche di gjavâ il stât di aministradôr al reste ai stewards.
Riclams e problemis
[modifiche il codiç]Se tu crodis che un aministradôr al si sedi compuartât mâl o impropriementri cuintri di te o un altri utent, tu dovaressis esprimi lis tôs opinions diretementri al aministradôr responsabil. Prove a rivâ a une soluzion intun mût civîl e ordenât. Purpûr, se la cuestion no je stade risolte, tu puedis lâ indenant cun altri azions seguint la pagjine Vichipedie:Risolvi lis disputis.
