Mike Hammah

Mike Allen Hammah (a wɔwoo no Dzifuu 28,1955) yɛ Ghana ɔmanyɛnyi na kan Soafo a ɔhwɛ Nsaase na Abɔdze mu Ndzɛmba do wɔ Ghana. N'edwuma dɛ Soafo a ɔhwɛ Akwantu do baa ewiei wɔ Sanda 4, 2011, ber a Ɔmampanyin Mills yɛɛ nsakrae wɔ aban mu mpanyimfo mu ekyir no. Nna ɔsan yɛ mbrahyɛbaguanyi ma Effutu Ambatow Mpasua a ɔwɔ Ghana Finimfin Mantam no mu no.

Ɔbra Ahyɛse Na Nwomasua

Wɔwoo Hammah wɔ Dzifuu 28, 1955. Ofi Simpa a ɔwɔ Ghana Finimfin Mantam mu. Ɔkɔr Ghana Secondary Technical School, a ɔwɔ Takoradi kɛgyee ne Ordinary nwomasua na Advanced level nwomasua nyina onyaa no wɔ afe 1969 na 1976 ntamu . Ɔsan yɛ obi a oewie Kwame Nkrumah Esuapɔn a wɔ Abɔdze mu Nyansapɛ na Mfiridwuma mu a onyaa n'abɔdzin krataa a odzi kan wɔ Building technology mu wɔ afe 1980 mu. Ɔtoaa no nwomasua do wɔ Post-Graduate level wɔ Central University College na hɔ na onyaa ne Abɔdzin Krataa a ɔtɔ do ebien wɔ Business Administration wɔ sikasɛm mu wɔ afe 2008 mu.

Dwumadzi Ahorow

Hammah n’edwuma papaapa yɛ Development Planner, Architect na Quantity Surveyor.

Amanyɛsɛm Dwumadzi Ahorow

Hammah dɔm National Democratic Congress Amanyɛkuw no. Mfe anan ɔdze hyɛɛ edwuma ase no,odzii kan dzii dwuma wɔ mbrahyɛbagua mu wɔ afe 1996 na 2000 ntamu dɛ mbrahyɛbaguanyi a ogyinaa Effutu Ambatow Mpasua anan mu na wɔpaaw no dɛ Soafo Abedziekyir a ɔhwɛ Akwan na Akwantu do wɔ dɛm ber no mu. Ɔsanee bɛyɛɛ mbrahyɛbagua Mboaboaano Kuw a wɔhwɛ Akwannya a Mbra Bata Ho do no mu ba. Wɔsanee paaw no dɛ ɔnyɛ edwuma wɔ afe 2001 mu na ɔsoom dɛ Panyin Abedziekyir a ɔwɔ Mboaboano Kuw a Ɔhwɛ Akwan na Akwantu do osian no ndwuma pa ntsi. Kwakwar 2009 mu no, John Atta Mills maa osuae dɛ Soafo a ɔhwɛ Akwantu do. Wɔpaaw no dɛ Soafo a ɔhwɛ Nsaase na Abɔdze mu Ndzɛmba do wɔ nsakrae a Ɔmampanyin Mills yɛɛ no aban mpanyimfo mu wɔ Sanda 4, 2011 mu.

Ambatow

Wodzii kan paaw Hammah kɔr mbrahyɛbagua mu wɔ National Democratic Congress amanyɛkuw no dzin mu wɔ Effutu Ambatow Mpasua a ɔwɔ Finimfin Mantɔw no mu no wɔ afe 1996 Ghana Ambatow kɛse a ɔkɔr do wɔ afe 1996 mu no.. Onyaa amba 11,398 a ogyina hɔ ma 42.80% a hɔn a ɔnye hɔn sii akan no,Joseph Nunoo-Mensah a ɔyɛ NPP amanyɛkuw mu ba nyaa amba 9,144, Emma H.Tandoh a ɔyɛ CPP amanyɛkuw mu ba nyaa amba 0, Kingsley Arko-Sam a ɔyɛ IND mu ba nyaa amba 0 . Ɔsanee dzii konyim wɔ afe 2000 mu a onyaa amba 9,716 wɔ amba dodow 20,040 a wɔtoow nyina mu a ogyina hɔ ma 48.10% a hɔn a ɔnye hɔn gyinae nye Oheneba A. Akyeampong a ofi NPP amanyɛkuw mu a onyaa amba 9,470, Frank Ebo Sam a ofi IND amanyɛkuw mu a onyaa amba 399, Kingsley Arko Sam a ofi CPP amanyɛkuw mu a onyaa amba 275 na Ebenezer Newman-Acquah a ofi PNC amanyɛkuw mu a onyaa amba 180.

Wɔpaaw no dɛ Effutu Ambatow Mpasua no ne mbrahyɛbaguanyi wɔ mbrahyɛbagua a ɔtɔ do enum wɔ Ka-bi-ma-menka-bi amambu a ɔtɔ do anan mu wɔ afe 2008 Ghanaman mu ambatow kɛse no mu wɔ National Democratic Congress amanyɛkuw no dzin mu. Dɛm ambatow yi mu na wɔpaaw no ber a onyaa amba 15,297 wɔ amba dodow 28,055 nyinara mu a ogyina hɔ ma 54.5% .Wɔtoow maa ɔno na wogyaa Samuel Owusu-Agyei a ofi New Patriotic Party amnyɛkuw no mu na Henry Kweku Bortsie a ofi Convention People's Party amanyɛkuw no mu. Woyinom biara nyaa 43.39% na 2.08% wɔ ambatow nyinara mu.

In this elections he was elected after obtaining 15,297 votes out of the 28,055 total valid votes cast equivalent to 54.5% of total valid votes cast. He was elected over Samuel Owusu-Agyei of the New Patriotic Party and Henry Kweku Bortsie of the Convention People's Party. These obtained 43.39% and 2.08% respectively out of the total valid votes cast.

N'abrabɔ

Hammah awar na ɔwɔ mba baasa. Ɔyɛ Kristonyi na ɔsan yɛ Mɛtɔdisnyi (Methodist).