乐胖代购免代理版

Мэдээллийн технологийн үйлдвэрлэлийг дэмжих тухай хуулийн төслийн хэлэлцүүлэг зохион байгуулагдлаа.

Өнөөдөр Төрийн ордонд болсон тус хэлэлцүүлэгт УИХ-ын дарга Г.Занданшатар, Цахим хөгжил, харилцаа холбооны сайд Н.Учрал болон Мэдээллийн технологи, программ хангамж үйлдвэрлэлийн салбарын төр, хувийн хэвшлийн төлөөлөл оролцлоо.

Уг хуулийн төслийн зорилт нь:

Цахим хөгжлийг түүчээлэх, талуудын оролцоо, өсөлтийг дэмжсэн бизнесийн орчинг бүрдүүлэх;
Мэдээлэл технологийн бие даасан хууль эрх зүйн анхдагч орчин бүрдүүлэх;
Чадварлаг, тогтвортой хүний нөөц бэлтгэх тогтолцоо;
Татварын таатай орчин;
Хөрөнгө оруулалтыг нэмэгдүүлэх;
Гадаадын зах зээлд гарах нөхцөлийг нэмэгдүүлэх;
Төр, хувийн хэвшлийн түншлэлийг дэмжих;
Шударга, нээлттэй, ил тод байдлыг хангах ажээ.

Хэлэлцүүлгийн үеэр Цахим хөгжил, харилцаа холбооны Сайд Н.Учрал: Мэдээллийн технологийн салбарыг төрийн бодлогоор хэрхэн дэмжих тухай зорилго, зорилт, ач холбогдлын талаар танилцуулав.

Уг хуулийн төсөл батлагдсанаар:

Хөдөлмөрийн зах зээл дахь шинэ ажлын байр нэмэгдэх;
Мэдээллийн технологийн үйлдвэрлэл эрхлэгч нарт төрөөс үзүүлэх татварын болон татварын бус дэмжлэгийг тодорхойлох;
Салбарын олон улсын хамтын ажиллагаа, хөрөнгө оруулалт татах боломжийг сайжруулах зэрэг олон талын ач холбогдолтойг тодотгов.