Montenegro

Montenegro
	Republika Crna Gora
Arwyddair	Harddwch gwyllt
Math	gwladwriaeth sofran, un o wledydd môr y canoldir, gwlad, gwladwriaeth olynol
Enwyd ar ôl	Lovćen
Prifddinas	Podgorica
Poblogaeth	617,213
Sefydlwyd	3 Mehefin 2006 ;
Anthem	O! Wawr Lachar Mai
Pennaeth llywodraeth	Milojko Spajić
Cylchfa amser	UTC+01:00
Iaith/Ieithoedd; swyddogol	Montenegreg
Daearyddiaeth
Rhan o'r canlynol	gwladwriaethau ôl-Iwgoslafia
Arwynebedd	13,812 ±1 km²
Gerllaw	Môr Adria, Y Môr Canoldir
Yn ffinio gyda	Bosnia a Hertsegofina, Serbia, Albania, Croatia, yr Undeb Ewropeaidd, Cosofo
Cyfesurynnau	42.76667°N 19.21667°E
Gwleidyddiaeth
Corff gweithredol	Llywodraeth Montenegro
Corff deddfwriaethol	Senedd Montenegro
Swydd pennaeth; y wladwriaeth	Arlywydd Montenegro
Pennaeth y wladwriaeth	Jakov Milatović
Swydd pennaeth; y Llywodraeth	Prif Weinidog Montenegro
Pennaeth y Llywodraeth	Milojko Spajić
Ariannol
Cyfanswm CMC (GDP)	$5,861 million, $6,096 million
Arian	Ewro
Canran y diwaith	19 ±1 canran
Cyfartaledd plant	1.689
Mynegai Datblygiad Dynol	0.832
	Ffeiliau perthnasol ar Comin
	[golygwch ar Wicidata]

Gwlad annibynnol yn ne-ddwyrain Ewrop ar lan Môr Adria yw Gweriniaeth Montenegro neu Montenegro. Mae'n ffinio ag Albania i'r de-ddwyrain, Serbia (gan gynnwys Kosovo) i'r gogledd-ddwyrain, Bosnia-Hertsegofina i'r gogledd-orllewin a Croatia i'r gorllewin. Roedd Montenegro yn rhan o Serbia a Montenegro o 2003 i 2006. Ei phrifddinas (a'i dinas mwyaf o ran maint) yw Podgorica ac mae Cetinje yn cael ei nodi fel Prijestonica (Пријестоница), sef Dinas Frenhinol.^[1].

Mae Montenegro'n aelod llawn o'r Cenhedloedd Unedig ac ar y rhestr aros am aelodaeth lawn o'r Undeb Ewropeaidd a NATO.

Daearyddiaeth

Ffinia â'r gwledydd canlynol: Croatia, Bosnia-Hertsegofina, Serbia, ac Albania.

Dyma rai o ddinasoedd a threfi mwyaf y wlad:

Podgorica (prifddinas; 136,473 o bobl)
Nikšić (58,212)
Pljevlja (21,377)
Bijelo Polje (15,883)
Cetinje (prifddinas brenhinol; 15,137)
Bar (13,719)
Herceg Novi (12,739)
Berane (11,776)

Mynyddoedd garw ydy nodwedd amlycaf ei ffin â Serbia ac Albania a cheir y pegwn arall hefyd - gwastatir arfordirol milltir i bedair milltir o ran hyd gyda Mount Lovćen a Mount Orjen yn torri'r undonedd gan ddisgyn yn serth i Fae Kotor.

Traeth hiraf: Velika Plaža, Ulcinj sy'n 13,000 metr (8 milltir)
Copa Uchaf: Zla Kolata, Prokletije sy'n 2,534 m
Llyn hiraf: Llyn Skadar — 391 km² (151 milltir sgwar) o arwynebedd
Ceunant tyfnaf: Ceunant Afon Tara — 1,300 m (4,265 troedfedd)
Bae mwyaf: Bae Kotor
Parc Cenedlaethol: Durmitor — 390 km² (150 milltir sgwar), Lovćen — 64 km² (25 milltir sgwar), Biogradska Gora — 54 km² (21 milltir sgwar), Skadar Lake — 400 km² (154 milltir sgwar)
Safle Treftadaeth y Byd: Durmitor a Ceunant Afon Tara, ynghyd â hen ddinas Kotor.