Lingua franca

Ur geriadur eus al lingua franca, embannet e 1830 e Marseille.

Al lingua franca (langue franque ivez e galleg) zo ur yezh voutin komzet etre ar Grennamzer hag an XIX^vet kantved, gant martoloded ha marc'hadourien dreist-holl, met ivez gant prizonidi, tec'hidi pe sklaved, e perzhier ar Mor Kreizdouar, anezhi ur meskaj yezhoù latin dreist-holl (italianeg, katalaneg, okitaneg, spagnoleg) ennañ gerioù o tont eus yezhoù all (gresianeg, arabeg, turkeg).
Meneget eo an anv e Dictionnaire universel Antoine Furetière e 1690.

Implijet e vez an anv lingua franca ivez evit komz eus ur yezh voutin etre yezherien disheñvel. Ar gregach hag al latin zo bet yezhoù boutin en-dro d'ar Mor Kreizdouar. Gerioù all evel sabir ha pidgin zo bet implijet e rannvedoù all. Ar galleg zo ivez ur seurt lingua franca en Afrika, hag ar saozneg dre ar bed.

Sabir

E Le Bourgeois gentilhomme gant Molière e kaver gwerzennoù kanet e sabir gant ar Mufti :

Se ti saber Ti responder Se non saber Tazir, tazir

Mar te gouzout Te respont Mar ket gouzout Tevel, tevel

Mar gouzez Respont Mar ne ouzez ket Tav, tav

A c'haller keñveriañ gant yezhoù all :

Sabir	Lombardeg		Italianeg		Spagnoleg		Galizeg		Portugaleg		Okitaneg		Galleg		Latin		Saozneg
Se ti saber Ti responder Se non saber Tazir, tazir	Se ti savè Ti respond Se non savè Taz, Taz	Se te sè Respund Se te sè no Tas, Tas	Se tu sapere Tu rispondere Se non sapere Tacere, tacere	Se sai Rispondi Se non sai Taci, taci	Si tú saber Tú responder Si no saber Callar, callar	Si sabes Responde Si no sabes Cállate	Se ti saber Ti responder Se non saber Calar, calar	Se sabes Responde Se non sabes Cala	Se tu saber Tu responder Se não saber Calar, calar	Se sabes Responde Se não sabes Cala-te	Se tu saber Tu respondre Se non saber Tàiser, tàiser	Se sabes Responde Se non sabes Taise-ti, taise-ti	Si tu savoir Tu répondre Si tu ne savoir Se taire, se taire	Si tu sais Réponds Si tu ne sais pas Tais-toi, tais-toi	Si tu sapere Tu respondere Si non sapere Tacere, tacere	Si sapis Responde Si non sapis Tace, tace	If you know You answer If you do not know Be silent